BTS ဆိုတာနဲ့ မိန်းကလေးတွေအသည်းစွဲချစ်ခင်ရတဲ့ Kpop Boy Band ဆိုတာ အားလုံးကသိကြမှာပါ။သူတို့ရဲ့ သီချင်းသီဆိုဟန်နဲ့ အကတွေကြောင့် အခုနောက်ပိုင်းမှာဆိုရင်တော့ မိန်းကလေးတွေသာမက ယောကျာ်းလေးတွေပါ တစ်ခဲနက်အားပေးလာကြပါတယ်။ကိုရီးယားနိုင်ငံမှာသာမက နိုင်ငံတကာမှာပါ ပရိတ်သတ်အားပေးချစ်ခင်မှုကို ရရှိထားတဲ့ Boy band ဆိုရင်လည်းမမှားပါဘူး။
BTS အဖွဲ့မှာဆိုရင်တော့
Rap Monster,Jungkook,V,Suga,Jimin,Jin နဲ့ J-Hope ဆိုပြီး အဖွဲ့ဝင် (၇)ယောက်ရှိပါတယ်။အဖွဲ့ရဲ့ခေါင်းဆောင်ကတော့ Rap Monster ဖြစ်ပါတယ်။သူတို့ဟာ Spring Day,Mic Drop,DNA,Fire,FakeLove,Idol,Permission to Dance,Butter အစရှိတဲ့သီချင်းတွေနဲ့ပိုမိုလူသိများလာတဲ့အပြင် ပရိတ်သတ်ရဲ့ချစ်ခင်အားပေးမှုကိုရရှိကြတာလည်းအတိုင်းထက်အလွန်ပါပဲ။
အောင်မြင်မှုများစွာရနေတဲ့အထဲကတင်ပဲ
ယနေ့မနက်မှာတော့ BTS အဖွဲ့ခေါင်းဆောင်
Rap Monster (ခေါ် ) ကင်နမ်ဂျွန်းဟာ အိမ်ပြာတော်မှာ တောင်ကိုရီးယားသမ္မတ Moon Jae-in နဲ့တွေ့ဆုံခဲ့ပါတယ်။ဒါ့အပြင် သမ္မတကြီးကိုယ်တိုင်ပေးအပ်ခဲ့တဲ့ တောင်ကိုရီးယားနိုင်ငံကိုယ်စားပြု အထူးသံတမန် ခန့်အပ်ခံရသည့် ဂုဏ်ပြုလွှာကို တက်ရောက်ယူခဲ့ပါတယ်။ဒါတင်သာမက ကမ္ဘာ့ကုလသမ္မဂ္ဂ(UN)ရဲ့ အစည်းအဝေးကိုတက်ရောက်မှာဖြစ်ပြီး ကမ္ဘာတဝှမ်းက လူငယ်တွေအတွက် အားပေးစကား မိန့်ခွန်းပြောကြားရမှာလည်းဖြစ်ပါတယ်။BTS ရဲ့ အောင်မြင်မှုကတော့အံ့မခမ်းပါပဲ။ပုံလေးတွေကြည့်ရင်း ဂုဏ်ပြုလိုက်ကြရအောင်နော်။