ရေဗက္ကာဝင်းကတော့ ဒီရက်ပိုင်းတွေမှာ တောက်လျှောက် လှူဒါန်းမှုတွေ မျိုးစုံ ပြုလုပ်ပေးနေတာကို တွေ့မြင်ရပါတယ်။ခုလတ်တလော အခြေအနေတွေကြောင့် စားဝတ်နေရေး အခက်အခဲတွေနဲ့ ရင်ဆိုင်နေရတဲ့ စစ်ဘေးရှောင် ပြည်သူတွေအတွက်လည်း အစားအသောက်များနဲ့ လိုအပ်တာများ လှူဒါန်းကာ ရရာနေရာကနေ ပါဝင်ကူညီအားဖြည့်ပေးနေတာဖြစ်ပါတယ်။
ဒီလိုကာလတွေမှာ ပြည်သူတွေဟာ အလုပ်အကိုင်များကို အလွယ်တကူ မလုပ်ကိုင်နိုင်တာကြောင့် စားဝတ်နေရေး အခက်အခဲတွေကို ကြုံတွေ့နေရတာလည်းဖြစ်ပါတယ်။ ဒီလိုအဆင်မပြေမှုတွေကို အနုပညာရှင်တွေ အပါအဝင် ပြည်သူအချင်းချင်းကပဲ တတ်နိုင်သလောက် ကူညီဖေးမရင်း အပြန်အလှန် ကူညီနေကြတာလည်းဖြစ်ပါတယ်။
အခုလည်း အမှန်တကယ် စားဝတ်နေရေး အကူအညီ လိုအပ်နေတဲ့ အိမ်ထောင်စု (၁၀၀) စာအတွက် တစ်အိမ်ထောင်လျှင် ဆန် ၃ပြည် ၊ ဟင်းချက်ဆီ ၁လီတာ ၊ ကြက်သွန်နီ ၂ပိဿ တို့ကို ရက်ရက်ရောရော လှူဒါန်းဝေဌခဲ့ပါတယ် ။ ဒီအလှူလေးကြောင့် ခက်ခဲနေသူတွေ ခဏတာ အဆင်ပြေသွားကြမှာ အမှန်ပါပဲ ။ ပရိသတ်ကြီးအတွက် ရေဗက္ကာဝင်းရဲ့ အလှူလေးကို ပြန်လည်ဝေမျှပေးရင်း ဒီထက်မက လှူနိုင်ပါစေ ဆုတောင်းပေးလိုက်ပါတယ် ။