ဟားခါးခရိုင်ရဲတပ်ဖွဲ့မှရဲတပ်သားအမည် နက်ကျော် ကိုယ်ပိုင်အမှတ် (လ- ၂၇၂၁၂) ဟာ စက်တင်ဘာလ (၁၀) ရက်နေ့မှစပြီး CDM လှုပ်ရှားမှုတွင်ပါဝင်ခဲ့ကြောင်း အားလုံးကို အသိပေးလာခဲ့ပါတယ်။ အာဏာသိမ်းမှုဖြစ်စဉ်စတင်ခဲ့တဲ့ ဖေဖော်ဝါရီ (၁) ရက်နေ့ကတည်းက ယနေ့စက်တင်ဘာ (၁၃) ရက်နေ့ထိဆိုရင် (၈) လကျော်ကြာမြင့်ခဲ့ပြီဖြစ်ပြီး လူပေါင်းများစွာရဲ့ အသက်တွေလည်းဆုံးရှုံးခဲ့ရပါတယ်။
အာဏာရှင်လက်အောက်ခံအဖြစ်ကနေ ပြည်သူ့ဖက်ကိုခိုလှုံလာတဲ့ တပ်သားတွေလည်း ရှိနေခဲ့ပြီး လက်ရှိအချိန်ထိလည်း ခိုလှုံလာသူတွေကို သက်ဆိုင်ရာအဖွဲ့အစည်းတွေက နွေးနွေးထွေးထွေးကြိုဆိုပြီး လုံခြုံမှုအတွက်လည်း တာဝန်ယူပေးခဲ့ကြောင်း သိရပါတယ်။ အာဏာရှင်နဲ့ ပြည်သူတို့ရဲ့ပြင်းထန်တဲ့ တိုက်ပွဲကြားထဲမှာ နှစ်ဖက်လုံးမှာအထိအခိုက်တွေရှိခဲ့ပြီး လက်ရှိအချိန်ထိလည်း အခြေအနေတွေဟာ တင်းမာနေဆဲပါပဲ။
ဒီနေ့မှာလည်း ချင်းပြည်နယ် ဟားခါးမြို့ခရိုင်ရဲတပ်ဖွဲ့က တပ်သားတစ်ယောက်ဖြစ်တဲ့ နက်ကျော်ဟာ ပြည်သူ့ဖက်ကိုကူးပြောင်းလာခဲ့တဲ့အကြောင်းကို ပြည်သူတွေကို အသိပေးပြီးနောက် ပြည်သူအများဟာ သူတို့ရဲ့ထင်မြင်ချက်ပေါင်းစုံတွေကို မှတ်ချက်ပေးခဲ့ကြပါတယ်။ ပြည်သူ့ဖက်ကိုကူးပြောင်းလာခဲ့တဲ့ တပ်သားတိုင်းကို ပြည်သူတွေက အစဉ်တစိုက်ကြိုဆိုနေကြောင်းလည်း ပြောခဲ့ကြပါသေးတယ်။
သတင်း အရင်းအမြစ်៖ Chin World's FB Acc
Bong I.T