မိသားစုနဲ့အဝေးမှာနေပြီး ပြည်သူတွေနဲ့တစ်သားတည်းရပ်တည်နေတဲ့ ဒါရိုက်တာကိုပေါက်ဟာ လက်ရှိမှာတော့ လွတ်မြောက်နယ်မြေတစ်နေရာမှာရောက်ရှိနေခဲ့ပြီး ကိုယ်တတ်နိုင်တဲ့ဖက်ကနေ အာဏာရှင်ကို တော်လှန်ရေးမှာ အစွမ်းကုန်ပါဝင်နေခဲ့ပါတယ်။ စိတ်အာရုံခံစားရတဲ့ အနုပညာသမား အဖြစ်ကနေ မတရားမှုကိုတော်လှန်သူအဖြစ် ရဲရဲဝံ့ဝံ့ကူးပြောင်းခဲ့ပြီးနောက် ကိုယ့်ရဲ့ရပ်တည်ချက်အတွက် လည်း နောင်တမရဘဲ နောက်မဆုတ်တမ်းတိုက်ပွဲဝင်နေခဲ့ပါတယ်။
မလုံခြုံမှန်းသိသိရက်နဲ့ ဒီလမ်းကိုလျှောက်ခဲ့တာဖြစ်ပြီး လက်ရှိမှာတော့ လွတ်မြောက်နယ်မြေ တစ်နေရာကိုရောက်ရှိနေခဲ့ပြီဖြစ်ပါတယ်။ ရောက်တဲ့နေရာမှာလည်း တိုင်းရင်းသားကလေးတွေအတွက် ပျော်ရွှင်သွားရအောင် မုန့်လေးတွေဝေပြီး ကလေးတွေနဲ့အတူ အပျော်တွေထပ်တူကျနေတဲ့ ပုံရိပ်တစ်ချို့ကို ကိုပေါက်ရဲ့မိတ်ဆွေတစ်ယောက်က လူမှုကွန်ယက်မှာ ဝေမျှလာခဲ့ပါတယ်။ မိသားစုနဲ့ဝေးကွာပြီး နေရပေမယ့် ရောက်တဲ့နေရာမှာ ပျော်အောင်နေရင်း အကျိုးရှိတာတွေလုပ်နေခဲ့ပါတယ်။
ပန်းချီဝါသနာပါသူဖြစ်တဲ့အလျောက် တော်လှန်ရေးတပ်သားတစ်ယောက်ဖြစ်သွားခဲ့တဲ့ မင်းမော်ကွန်း အတွက် ဂုဏ်ပြုပန်းချီကားလေးဆွဲပေးခဲ့ပါသေးတယ်။ ဘယ်နေရာရောက်ရောက် နှလုံးသားထဲက မြတ်နိုးတဲ့ အနုပညာကတော့ ဘယ်တော့မှအဆုံးသတ်မသွားခဲ့ပါဘူး။ ပြည်သူတွေဟာလည်း တော်လှန်ရေးကြီးအောင်မြင်သွားတဲ့အချိန်မှာ ပြည်သူနဲ့အတူရပ်တည်ပေးခဲ့တဲ့ အနုပညာရှင်တွေကို မှတ်သားပြီး အရင်ထက်ပိုတဲ့ချစ်ခြင်းမေတ္တာတွေနဲ့ ချစ်ခင်အားပေးမယ့်အကြောင်း မှတ်ချက်တွေ အများအပြားပေးခဲ့ကြပါတယ်။
သတင်း အရင်းအမြစ်៖ Ye Min's FB Acc