အသက် (၃၆) နှစ်အရွယ်ရှိပြီးဖြစ်တဲ့ တိုက်စစ်မှူး Ronaldo ဟာ ၂၀၀၉ ခုနှစ်တုန်းက ထွက်ခွာပြီးနောက်ပိုင်း ပထမဆုံးအကြိမ်အဖြစ် မန်ယူသို့ပြန်ရောက်လာခဲ့ပြီ ဖြစ်ပါတယ်။ သူပြန်ရောက်ပြီး ပထမဆုံးပွဲဖြစ်တဲ့ Newcastle နဲ့ပွဲမှာ မန်ယူအသင်းအတွက် နှစ်ဂိုးသွင်းပေးနိုင်ခဲ့ပါတယ်။ မန်ယူပရိသတ်တွေအတွက် ကျေနပ်အားရစရာလည်း ဖြစ်သလို Ronaldo အတွက်လည်း အဖွင့်လှခဲ့ပါတယ်။
Ronaldo ဟာ " ဒါဟာမယုံနိုင်စရာ အခိုက်အတန့်ပါပဲ၊ ငါစိတ်လှုပ်ရှားနေခဲ့ပြီး မနေ့ညက ငါဒီပွဲကို ကောင်းကောင်းကစားနိုင်ဖို့ တွေးနေခဲ့တယ်၊ ငါ့အသင်းအတွက် ကူညီနိုင်စွမ်းရှိသေးတာကိုပြဖို့အတွက်ပေါ့၊ ဒါပေမယ့် ခုတော့မယုံနိုင်စရာပါပဲ၊ ငါအရမ်းဂုဏ်ယူသလို ငါ့ကိုဂုဏ်ယူနိုင်ဖို့အတွက်လည်း အသင်းမှာ အကောင်းဆုံး ကစားသွားမှာပါ " ဆိုပြီး ပြောခဲ့ပါတယ်။
Bruno Fernandes ရဲ့အဝေးကန်ချက်ဂိုးနဲ့ Jesse Lingard ရဲ့ အချိန်ပိုသွင်းဂိုးနဲ့အတူ စုစုပေါင်း မန်ယူဟာ ၄ ဂိုးသွင်းနိုင်ခဲ့ပါတယ်။ အနိုင်ရမှုနဲ့အတူ ပရီးမီးယားလိဂ်ဇယားရဲ့ ထိပ်ဆုံးမှာ မန်ယူဟာ ရပ်တည်နေပါတယ်။
" ဒါဟာ မန်ယူပါပဲ၊ ဒါဟာ Cristiano ပါပဲ ပြီးတော့ ဒီနေ့ဟာ လူတိုင်းအတွက် ပျော်ရွှင်စရာနေ့ရက်ပါပဲ " ဆိုပြီး မန်ယူအသင်းနည်းပြ Ole Gunnar Solskjaer ကပြောခဲ့ပါတယ်။ Ronaldo ရဲ့အောင်ပွဲပုံရိပ်တွေနဲ့အတူ သူပြန်လာတာကို ကြိုဆိုပြီး လာကြည့်ကြတဲ့ ပရိသတ်တွေရဲ့ ပုံရိပ်တွေကို ပြန်လည်မျှဝေပေးလိုက်ပါတယ်။
သတင်း အရင်းအမြစ်៖ Skysports