တစ်အိမ်လုံးနီးပါးပြာကျသွားခဲ့တဲ့အပြင် လုပ်ကိုင်စားသောက်နေတဲ့စက်တဲနဲ့ စပါးကျီကိုပါ မီးရှို့သွားလို့ နာကျင်ကြေကွဲပြီးငိုယိုနေတဲ့ ပြည်သူတစ်ဦးရဲ့ဗီဒီယို

ကိုဗစ်တတိယလှိုင်းမှာ ရောဂါကူးစက်မှုနှုန်း တဖြည်းဖြည်းလျော့ကျသွားပေမယ့် တချို့နေရာတွေမှာ တိုက်ပွဲတွေဖြစ်ပွါးနေတာဖြစ်ပါတယ်။ပြည်သူလူထုလည်း မတည်ငြိမ်သေးတဲ့နိုင်ငံရေးအခြေအနေမှာ စီးပွါးရေးကြပ်တည်းတဲ့အပြင် အသက်၊အိုးအိမ်၊စည်းစိမ်တွေကိုပါ ကာကွယ်နေရတာပဲဖြစ်ပါတယ်။စက်တင်ဘာလ(၉)ရက်နေ့မှာတော့ဂန့်ဂေါမြို့နယ်မှာ လူနေအိမ်တွေကိုမီးရှို့မှုတွေဖြစ်ပွါးခဲ့တာကြောင့် ဒေသခံပြည်သူတွေလည်း နစ်နာဆုံးရှုံးခဲ့ရပါတယ်။

စက်တင်ဘာလ (၁၀)ရက်နေ့ကလည်း ဂန့်ဂေါမြို့နယ်၊နှမ်းခါးရွာမှာ အိမ်တွေကိုမီးရှို့ဖျက်ဆီးခဲ့တဲ့သတင်းတွေ လူမှုကွန်ယက်စာမျက်နှာပေါ်မှာတက်လာခဲ့ပါတယ်။ပြည်သူတစ်ဦးဆိုရင် စက်တင်ဘာလ (၉)ရက်နေ့က သူ့ရဲ့အိမ်မီးရှို့ခံလိုက်ရလို့ နာကျင်ကြေကွဲနေတာပဲဖြစ်ပါတယ်။အဲ့ဒီနေ့ကဆိုရင် ဂန့်ဂေါမြို့နယ်မှာ ကလေးတွေ၊သက်ကြီးရွယ်အိုတွေနဲ့ ပြည်သူတွေ သတ်ဖြတ်ခံရတဲ့အပြင် နေအိမ် (၆၀)နီးပါးခန့် မီးရှို့ဖျက်ဆီးခံလိုက်ရတယ်လို့ သိရပါတယ်။

အဲ့ဒီပြည်သူရဲ့အိမ်ဆိုလည်း ရစရာမရှိလောက်အောင် တစ်အိမ်လုံးနီးပါး ပြာကျသွားရတဲ့အပြင် လုပ်ကိုင်စားသောက်နေတဲ့စက်တဲကိုပါ မီးရှို့သွားတာဖြစ်ပါတယ်။ဒါ့အပြင် စပါးကျီကိုလည်း မီးရှို့ပြီး ဆန်တွေကိုလည်းစားသုံးလို့မရအောင် ဖျက်ဆီးသွားတာဖြစ်ပါတယ်။အိမ်ပိုင်ရှင်တွေလည်း သူတို့ရဲ့ပြာကျနေတဲ့ အိမ်ကိုကြည့်ပြီး ငိုယိုနေကြကာ ယူကြုံးမရဖြစ်နေတဲ့ ဝမ်းနည်းစရာဗီဒီယိုဖိုင်ကို ပြန်လည်မျှဝေပေးလိုက်ပါတယ်။

Photo Credit: Original Uploder 

Source&Video Credit: Original Uploder