တစ်ဆထက်တစ်ဆ ဆိုးရွားလာတဲ့ လက်ရှိအခြေနေတွေကြောင့် တောင်တန်းဒေသတွေမှာ တိုက်ပွဲတွေပြင်းထန်နေသလို ရန်ကုန်အပါအဝင်အခြားမြို့နယ်တွေမှာလည်း အကြမ်းဖက်မှုတွေတိုးပွားလာတာ တွေ့ရပါတယ်။ စစ်ရှောင်ဒေသတွေမှာ လည်း အစားအသောက်ချို့တဲ့မှု၊ ရေရှားပါးမှုတွေနဲ့ကြုံတွေ့နေရပြီး သက်ကြီးရွယ်အိုတွေနဲ့ ကလေးငယ်တွေအတော်များများလည်း စစ်ဘေးရှောင် စခန်းတွေမှာနေထိုင်နေရတာဖြစ်ပါတယ်။
အခုလို အခက်အခဲဒုက္ခတွေနဲ့ကြုံတွေ့နေရတဲ့ စစ်ဘေးသင့်ကလေးငယ်လေးတွေကို ပညာသင်ကြားခွင့်ရရှိနိုင်ရန်အတွက် စေတနာရှင်လူငယ်လေးတွေဟာ လှူဒါန်းမှုတွေတတ်နိုင်သ၍ပြုလုပ်ပေးကြပြီး ကူညီပေးနေကြတာဖြစ်ပါတယ်။ အခုအခါမှာဆိုရင်လည်း ကရင်နီဘက်က ကလေးငယ်တွေ စစ်ရှောင်စခန်းမှာပညာသင်ကြားဖို့အဆင်ပြေရန်အတွက် လူငယ်လေးတွေစုပေါင်းပြီး လှူဒါန်းကူညီပေးနေကြတာလည်းတွေ့ရပါတယ်။
စစ်ဘေးရှောင်ပြည်သူတွေရဲ့ဘ၀ဟာလည်း အိုးအိမ်တွေကိုစွန့်ပစ်ကာ ဘေးလွတ်ရာကိုထွက်ပြေးတိမ်းရှောင်ရတာကြောင့် တကယ်လိုမလွယ်ကူတဲ့ အခြေအနေတွေပါ။ ကလေးငယ်လေးတွေခမျာလည်း ချို့ချို့တဲ့တဲ့နဲ့ ပညာသင်နေကြရပြီး ရောက်တဲ့နေရာကနေကြိုးစားနေကြတာကို တွေ့မြင်ရတာ တကယ်စိတ်မကောင်းစရာပါ။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Myanmarload