ကော်ဖီသောက်တာဟာ လူတွေကို အချို့သော ကောင်းကျိုးတွေရရှိတယ်ဆိုပေမယ့် အများအပြားသောက်သုံးတာပဲ ဖြစ်ဖြစ် အသင့်ဖျော်ကော်ဖီထုပ်တွေ သောက်သုံးတာများတာပဲ ဖြစ်ဖြစ် ဘေးထွက်ဆိုးကျိုးတွေများစွာ ပြန်လည်ဖြစ်ပေါ်စေပါတယ်။
ဒါ့ကြောင့် အသင့်ဖျော်ကော်ဖီထုပ်တွေ သောက်သုံးရာကနေ ဖြစ်ပေါ်လာနိုင်တဲ့ ဆိုးကျိုးတွေကို ဖော်ပြပေးလိုပါတယ်။
ကော်ဖီမှုန့်အပြင် ဓာတုပစ္စည်းတွေပါ ပါဝင်နေတဲ့ အသင့်ဖျော်ကော်ဖီထုပ်တွေဟာ ရေရှည်သောက်သုံးလာတာနဲ့အမျှ ခန္ဓာကိုယ်အတွက် ရောဂါဆိုးတွေကို သယ်ဆောင်လာပေးတဲ့ အပြင် အခန့်မသင့် အသက်ကိုပါ ဆုံးရှုံးရစေနိုင်ပါတယ်။ အသင့်ဖျော်ကော်ဖီမစ်ထုပ်တွေ သောက်တာများလာတဲ့ အခါ ကျောက်ကပ်နဲ့ နှလုံးကို အဓိက ထိခိုက်စေပြီး အာရုံကြော်ဆဲလ်တွေကိုလည်း ယိုယွင်း ပျက်ပြားစေနိုင်ပါတယ်။
ဒါ့ပြင် သွေးတိုးရောဂါ၊ ဆီးချိုရောဂါ၊ နှလုံးသွေးကြောရောဂါ တို့ကို ဖြစ်စေနိုင်သလို ခေါင်းကိုက်ရောဂါ နဲ့ စိတ်ဂနာမငြိမ်ဖြစ်တာတွေကိုပါ ဖြစ်စေနိုင်ပါတယ်။
ကိုယ်ဝန်ဆောင်မိခင်တွေအတွက်ဆိုရင်လည်း
ကိုယ်ဝန်ပျက်ကျစေနိုင်သလို အိမ်ထောင်ရှင်တွေအတွက်လည်း ကိုယ်ဝန်ဆောင်နိုင်ရန် အခွင့်အရေးနည်းပါးလာခြင်း၊ ရေဓာတ်ကုန်ခမ်းခြင်း စတဲ့ ရောဂါဆိုးတွေကို ဖြစ်ပေါ်စေနိုင်ပါတယ်။
ဒါ့ကြောင့် အသင့်ဖျော်ကော်ဖီထုပ်တွေကို အလွန်အကျွံ့နဲ့ ရေရှည်မသောက်သုံးသင့်ပါဘူး။
ကော်ဖီစွဲနေသူတွေအနေနဲ့လည်း ဘာမှမရောထားတဲ့ ကော်ဖီမှုန့်စစ်ကိုသာ သောက်သုံးပေးသင့်ပါတယ်။
သတင်း အရင်းအမြစ်៖ Healthline