အီသီယိုပီးယားနိုင်ငံအတွင်းမှာတော့ ပြီးခဲ့တဲ့ရက်ပိုင်းက ၂ ရက်အတွင်း အရပ်သား (၁၂၀) လောက်အသတ်ခံခဲ့ရတယ်လို့သိရပါတယ်။
သတ်ခဲ့သူတွေကတော့ အီသီယိုပီးယားနိုင်ငံ တစ်ဂရေးဒေသက သူပုန်တွေလို့ပြောဆိုနေကြပေမယ့် တစ်ဂရေးတပ်ရဲ့ တာဝန်ရှိသူတွေကတော့ ဒီကိစ္စကို ငြင်းဆိုထားပါတယ်။
အသတ်ခံရသူတွေဟာ အီသီယိုပီးယားနိုင်ငံ Amhara ဒေသ ဒါဘတ်မြို့ကနေ ၆ မိုင်ဝေးတဲ့ ရွာက ရွာသားတွေပဲ ဖြစ်ပါတယ်။
လက်ရှိမှာ အလောင်း (၁၂၀) လောက်ရရှိထားပြီး သေဆုံးသူတွေထဲမှာ ကလေးငယ်တွေ အမျိုးသမီးတွေနဲ့ သက်ကြီးရွယ်အိုတွေပါ ပါဝင်တယ်လို့သိရပါတယ်။
ဒါ့အပြင်ပျောက်ဆုံးနေသူတွေလည်း ရှိသေးတာကြောင့် အသတ်ခံရသူဦးရေဟာ ထပ်တိုးလာနိုင်ဖွယ် ရှိနေပါသေးတယ်။
လက်ရှိမှာတော့ တစ်ဂရေးတပ်တွေ ခဏတာကြီးစိုးခဲ့တဲ့ ၄င်းဒေသဟာ အီသီယိုပီးယား ပြည်ထောင်စုတပ်ရဲ့ ထိန်းချုပ်မှုအောက်ကို ပြန်ရောက်နေပီလို့ သိရပါတယ်။
သတင်း အရင်းအမြစ်៖ Reuters