မရှိနွမ်းပါးသူတွေကိုအမြဲလိုလိုကူညီတတ်တဲ့ ပရဟိတအကျိုးတော်ဆောင်ကိုပူတူးဟာ ဒီနေ့မှာလည်း နေပူပူက မီပွိုင့်ထောင့်လေးမှာ စပါးတွဲရောင်းနေရတဲ့ သားအဖနှစ်ယောက်အတွက် စပါးတွဲတွေအားလုံး ယူလိုက်ပြီး ငွေသုံးသောင်းကိုလည်း လှူဒါန်းပေးခဲ့ပါသေးတယ်။ ထင်မှတ်မထားတဲ့အရာကို လက်ခံလိုက်ရတဲ့ ဖခင်ဖြစ်သူဟာ အရမ်းကိုဝမ်းသာသွားပြီး ကူညီလှူဒါန်းပေးသူကို ကျေးဇူးတင်စကားတွေ အကြိမ်ကြိမ် ပြောခဲ့ပါတယ်။
ငွေသုံးသောင်းထုတ်ပေးလိုက်တဲ့အချိန်မှာ ဇနီးနဲ့သားအတွက်ဆေးဝယ်လို့ရသွားပြီမို့ အရမ်းကိုပျော်ရွှင်နေခဲ့ တယ်လို့လည်းဆိုပါတယ်။ ကျပ်တည်းနေတဲ့ကာလတွေမှာ နဂိုကတည်းက ပုံမှန်ဝင်ငွေမရှိဘဲ တစ်နေ့လုပ်မှ တစ်နေ့စားရတဲ့ပြည်သူတွေအတွက် ပိုပြီးခက်ခဲလွန်းခဲ့ပါတယ်။ အခုလိုကူညီလှူဒါန်းပေးသူတွေကြောင့် လည်း မပြေလည်တဲ့ဘဝတွေဟာ တဒင်္ဂတော့ အဆင်ပြေသွားခဲ့ပါတယ်။
ဒီနေ့အတွက်အဆင်ပြေသွားပြီမို့ သားလေးလက်ကိုဆွဲပြီးပျော်ပျော်ရွှင်ရွှင်အိမ်ပြန်သွားတဲ့ စပါးတွဲရောင်းသူရဲ့ကျောပြင်ကိုကြည့်ပြီး ကူညီလှူဒါန်းပေးသူလည်း ပီတိဖြစ်နေမှာ အသေအချာပါပဲ။ မပြေလည်တဲ့ဘဝတွေအားလုံး အမြန်ဆုံးပြေလည်ပြီး အဆင်မပြေတဲ့ အခြေအနေတွေကနေ ကျော်လွှားနိုင်ကြပါစေလို့ ဆုတောင်းပေးပါတယ်။
သတင်း အရင်းအမြစ်៖ ArrPuu Tuu's FB Acc