ဖမ်းဆီးထိန်းသိမ်းမှုတွေ နေရာတိုင်းမှာ များပြားနေပေမယ့် ပြည်သူတွေရဲ့ စစ်အာဏာရှင် တော်လှန်ရေး သပိတ်စစ်ကြောင်းတွေကတော့ နေ့ရက်တိုင်း အားအင်အပြည့်နဲ့ထွက်ပေါ်နေကြဆဲဖြစ်ပါတယ်။ ဒီဒေးကြေငြာလိုက်ပြီးနောက်မှာ စစ်ဆေးမှုတွေနဲ့ ဖမ်းဆီးမှုတွေပိုမိုများပြားလာသလို တစ်ဖက်ကလည်း ဖောက်ခွဲမှုတွေနဲ့ ပစ်ခတ်မှုတွေ နေ့တိုင်းလိုလိုပြုလုပ်လာတာကို တွေ့ရပါတယ်။
မန္တလေးမြို့ဟာဆိုရင်လည်း အာဏာရှင်ဆန့်ကျင်ရေးလှုပ်ရှားမှုမှာ တက်ကြွစွာပါ၀င်နေတဲ့ မြို့တစ်မြို့ဖြစ်ပါတယ်။ ဖြိုခွင်းအကြမ်းဖက်မှုတွေလည်း မကြာခဏဆိုသလိုခံနေကြရပြီး အသက်ဆုံးရှုံးသွားရတဲ့ မန္တလေးပြည်သူတွေလည်း အများအပြားရှိလာနေပါတယ်။ အခုလို အခက်အခဲတွေရှိနေပေမယ့်လည်း မန္တလေးပြည်သူတွေကတော့ ရရာနည်းလမ်းနဲ့ သပိတ်စစ်ကြောင်းတွေ ထွက်နေကြဆဲဖြစ်ပါတယ်။
ဒီနေ့မှာဆိုရင်လည်း မန္တလေးပြည်သူလူထုဟာ မန္တလာတက္ကသိုလ် / မြတောင် / စက်မှု /
အခြေစိုက်လူထု / ချမ်းစည် စုပေါင်း သပိတ်စစ်ကြောင်း တွေအကုန်ပေါင်းစည်းကာကြက်သီးထဖွယ် အင်အားဖြင့် မန္တလေးမြို့ထဲ ချီတက်ဆန္ဒပြခဲ့ကြတာဖြစ်ပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Spring DIARY's Facebook page