အမိုက်စား Rap တွေနဲ့ ပရိသတ်တွေကိုဖျော်ဖြေခဲ့တဲ့ အဆိုတော် G Fatt ဟာ လတ်တလောမှာတော့ သာသနာ့ဘောင်ကိုဝင်ရောက်နေခဲ့ပြီပဲဖြစ်ပါတယ်။ လက်ရှိအခြေအနေဟာ လူတိုင်းမှာအပူသောကတွေ ရှိနေခဲ့ပြီး မငြိမ်းချမ်းတဲ့ အခြေအနေတွေဖြစ်နေတာကြောင့် ကိုယ်တိုင်ရဲ့အေးချမ်းမှုကိုရှာဖွေဖို့ဆိုတာ ဘုရားရိပ် တရားရိပ်ကသာအသင့်တော်ဆုံးပါပဲ။ G Fatt ရဲ့ဘွဲ့အမည်ကတော့ ရှင်ပညိသာရဖြစ်ပြီး သင်္ကန်းခြုံကာ တရားမှတ်ပြီး ငြိမ်းအေးနေတဲ့ ပုံရိပ်တစ်ချို့ကို သူ့ရဲ့လူမှုကွန်ယက်မှာ ဝေမျှလာခဲ့ပါတယ်။
သီချင်းကောင်းလေးတွေလည်းဖန်တီးခဲ့သလို လမ်းကြောင်းကောင်းပေါ်မှာလည်း အေးအေးလူလူ လျှောက်လှမ်းနေတဲ့ ရှင်ပညိသာရကို ပရိသတ်တွေကလည်း သာဓုတွေခေါ်ဆိုပြီး ကောင်းချီးထောပနာတွေ ပေးကြပါတယ်။ အရေးအခင်းကာလတွေမှာ ပြည်သူတွေနဲ့အတူရပ်တည်ပေးခဲ့ပြီး လက်ရှိအချိန်ထိလည်း ပြည်သူတွေကို ရတဲ့နည်းနဲ့ ကူညီပေးနေခဲ့ပါတယ်။
စိတ်ရဲ့ငြိမ်းအေးရာဟာ တရားဓမ္မသာဖြစ်ပြီး ပူလောင်မှုတွေနဲ့ ကင်းဝေးရာလည်း တရားရဲ့အရိပ်ပဲ ဖြစ်ပါတယ်။ ဒီလိုအခက်အခဲကာလတွေမှာ လူတိုင်းဟာပူလောင်နေကြသလို G Fatt လည်း စိတ်ရဲ့အေးချမ်းရာကိုရှာဖွေနိုင်ဖို့ အခုလိုသာသနာ့ဘောင်ကို ဝင်ရောက်သွားခဲ့ပုံပါပဲ။ သာသနာ့ဘောင်ကို ဝင်ရောက်ခဲ့တဲ့ကာလအတိုင်းအတာတိုင်းမှာ စစ်မှန်တဲ့တရားဓမ္မတွေကို ရှာဖွေတွေ့ရှိပြီး တရားထူးတရားမြတ်တွေရနိုင်ပါစေလို့ ဆုတောင်းပေးပါတယ်။
သတင်း အရင်းအမြစ်៖ G Fatt (Gfamily)'s Instagram Acc
Bong I.T