စီးပွားရေးကြပ်တည်းနေတဲ့ လက်ရှိကာလေတွေမှာ နိုင်ငံအနှံ့တိုက်ပွဲတွေအပြင် ပေါက်ကွဲမှုတွေ၊ လုယက်သတ်ဖြတ်မှုတွေနဲ့ ခိုးဝှက်မှုတွေလည်း ဆက်တိုက်ဖြစ်ပွားနေတာ တွေ့ရပါတယ်။
ပြည်သူတွေမှာ အနေအထိုင် သတိထားသွားလာနေရတဲ့အပြင် စိတ်မလုံခြုံမှုတွေကြောင့်လည်း စိုးရိမ်ထိတ်လန့်နေကြရကာ အစစအရာရာခက်ခဲနေကြတာ ဖြစ်ပါတယ်။
အခုတစ်ခါမှာလည်း မြိတ်မြို့မှာ ဆိုင်တစ်ဆိုင် ဖောက်ထွင်းခံရပြီး ငွေကြေးအမြောက်အများပါသွားပြီး ဖုန်းတချို့လည်း အခိုးခံလိုက်ရတယ်လို့ သိရပါတယ်။
မြိတ်မြို့ တလိုင်းစုရပ်မှ ဆိုင်တဆိုင်အဖောက်ခံခဲ့ရတာဖြစ်ပြီး ဆိုင်ဖောက်ခံရတဲ့အကြောင်းနဲ့ပတ်သက်လို့ အခြားသူတွေလည်း အခုလိုအချိန်မှာ အထူးဂရုစိုက်ကြဖို့ သတိပေးစကားဆိုထားပါသေးတယ်။
ဖောက်ထွင်းသူကို CCTV မှတ်တမ်းထဲမှာ တွေ့ရှိရပြီး သိရှိပါက အကြောင်းကြားပေးဖို့နဲ့ ထိုက်တန်စွာကျေးဇူးဆပ်မယ့်အကြောင်းကိုလည်း ဆိုင်ပိုင်ရှင်က လူမှုကွန်ယက်စာမျက်နှာမှာ ရေးသား အကူအညီတောင်းထားတာ တွေ့ရပါတယ်။
အခုလို အချိန်ကာလကြီးမှာ ဖောက်ထွင်းမှုတွေများပြားနေတာကြောင့် ပြည်သူတွေအားလုံး လုံခြုံစိတ်ချရမယ့် ပြင်ဆင်မှုတွေပြုလုပ်ကာ ဂရုစိုက်နေထိုင်ကြဖို့ တိုက်တွန်းလိုက်ပါတယ်နော်။
Bong I.T