ဩစတေးလျက musk ဘဲတစ်ကောင်ဟာ လူစကားပြောတဲ့ အသံထွက်တာကို အသံသွင်းမိနိုင်ခဲ့ပါတယ်။ တနင်္လာနေ့တုန်းက Ripper အမည်ရှိ ဘဲတစ်ကောင် မိတ်လိုက်နေတာကို ပညာရှင်တွေလေ့လာနေစဉ်အတွင်း ခုလို အသံထွက်တာကို အသံသွင်းနိုင်ခဲ့တာဖြစ်ပါတယ်။ ခုလိုမျိုး ဒီဘဲတစ်ကောင်အနေနဲ့ စကားပြောတာဟာ သူ့သခင်ဆိက သင်ယူထားတာဖြစ်ကြောင်း ပြောခဲ့ပါတယ်။
" ဒီဩစတေးလျ Musk ဘဲတွေဟာ မထင်ထားမိတဲ့အရာကို ပြုလုပ်ခဲ့နိုင်ခဲ့ပြီး အထင်ကြီးစရာကောင်းတဲ့ အသံသင်ယူစွမ်းရည်ကို ပြသနိုင်ခဲ့တာပဲ " လို့ ပညာရှင်တွေက ပြောခဲ့ပါတယ်။ Ripper က တံခါးအဖွင့်အပိတ်အသံကို ဘယ်လိုတုပခဲ့တယ်ဆိုတာကိုလည်း ပညာရှင်တွေ အသေးစိတ်ဖော်ပြခဲ့ပါတယ်။ မွေးမြူထားတဲ့ ဘဲများနှင့်ငန်းမျိုးစိတ်များစွာ ရှိပေမယ့် လူသားအသံများကို တုပနိုင်တဲ့စွမ်းရည်ကို မတွေ့ရသေးကြောင်း လေ့လာရေးသမား Carel ten Cate ကပြောပြခဲ့ပါတယ်။
“ ဒီအသံတွေကို တုပနိုင်တဲ့စွမ်းရည်ရှိတဲ့ မျိုးစိတ်တစ်ခုကိုတွေ့ရတာ ထူးခြားတယ် ” လို့သူကပြောခဲ့ပါတယ်။ လူစကားပြောတက်တဲ့ တခြားငှက်တွေတော့ရှိပေမယ့် ဒီလိုဘဲတစ်ကောင်ကနေ ခုလိုအသံထွက်တာ ပထမဆုံးဖြစ်ကြောင်း ten Cate ကပြောခဲ့ပါတယ်။ သူကတော့ နယ်သာလန်နိုင်ငံ၊ Leiden တက္ကသိုလ်၊ Ledien ရှိ ဇီဝဗေဒဌာန တိရစ္ဆာန်အမူအကျင့်ဆိုင်ရာသုတေသီ ပါမောက္ခတစ်ဦးဖြစ်ပါတယ်။ " ဒီအသံက လူတစ်ေယာက်ရဲ့အသံအတိအကျမဟုတ်ပါဘူး ဒါပေမယ့် အလွန်တူတဲ့အသံပါ " ဆိုပြီ ပြောခဲ့ပါသေးတယ်။ Australian Musk ဘဲ ဆိကထွက်လာတဲ့ အသံကတော့ 'You bloody fool' ဆိုပြီးပဲဖြစ်ပါတယ်။ ဒီအသံကို ဖမ်းမိခဲ့တဲ့အချိန်မှာ ပညာရှင်တွေဟာ ဘဲတွေ မိတ်လိုက်နေတာကို လေ့လာနေခဲ့တာပါ။
သတင်း အရင်းအမြစ်៖ Allthatsinteresting