ထမင်းစားခါနီးတိုင်း ပြည်သူအပေါ်ကိုသစ္စာစောင့်သိမည်ဖြစ်ကြောင်း အားအင်အပြည့်နဲ့ သံဓိဌာန်ဆိုနေကြတဲ့ PDFရဲဘော်တွေရဲ့ဗီဒီယို

မြန်မာနိုင်ငံရဲ့လက်ရှိအခြေအနေတွေအရ လူငယ်တွေရဲ့ ပြင်းပြတဲ့စိတ်ဓာတ်နဲ့အတူ တိုင်းရင်းသားလက်နက်ကိုင်တပ်တွေကလည်း ပါ၀င်နေကြပြီး အာဏာရှင်ကိုအမြစ်ဖြုတ်ရန်နဲ့ စစ်မှန်တဲ့ဖယ်ဒရယ်ဒီမိုကရေစီရရှိဖို့အတွက် အင်တိုက်အားတိုက်ကြိုးစားနေကြတာကိုတွေ့ရပါတယ်။ အာဏာရှင်တွေရဲ့ ဖိနှိပ်မှုတွေနဲ့ အကြမ်းဖက်လုပ်ရပ်တွေကြောင့် လူငယ်အတော်များများလည်း လွတ်မြောက်နယ်မြေကိုရောက်ရှိကာ PDFရဲဘော်တွေအနေနဲ့ ခံယူပြီး စစ်ရေးလေ့ကျင့်နေကြတာဖြစ်ပါတယ်။

ဒီဒေး ကြေငြာလိုက်ပြီလည်းဖြစ်တာကြောင့် တိုက်ပွဲတွေလည်း ဆက်တိုက်ဖြစ်ပေါ်လာပြီး နေရာအနှံ့မှာလည်း ပေါက်ကွဲမှုတွေဆက်တိုက်ဖြစ်ပေါ်နေတာကို တွေ့ရပါတယ်။ ပြည်သူတွေအနေနဲ့လည်း တောထဲတောင်ထဲမှာ ပင်ပန်းဆင်းရဲစွာနဲ့ စစ်ပညာသင်နေကြတဲ့ PDF ရဲဘော်တွေအတွက် ရိက္ခာနဲ့ အစားအသောက်တွေ တတ်နိုင်သရွေ့ လှူဒါန်းနေကြတာလည်း ဖြစ်ပါတယ်။

PDF ရဲဘော်တွေကလည်း ထမင်းစားချိန်ရောက်တိုင်း ပြည်သူကျွေးတဲ့ထမင်းကိုစားပြီး ပြည်သူကို ကာကွယ်စောင့်ရှောက်မည်ဖြစ်ကြောင်း သံဓိဌာန်ဆိုပြီးမှ စားကြတာလည်းတွေ့ရပါတယ်။ ဒီဗီဒီယိုလေးကို PDF ရဲဘော်တစ်ဦးဟာ သူ့ရဲ့ Facebookစာမျက်နှာမှာ မျှဝေလာတာလည်း တွေ့ရပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။

သတင်း အရင်းအမြစ်៖ Ants Are Always Busy's Facebook page