လူသားချင်းစာနာမှု အကူအညီပေးနိုင်‌ဖို့အတွက် (၄)လ အပစ်အခတ်ရပ်စဲဖို့ တိုက်တွန်းလိုက်တဲ့ တိုက်တွန်းလိုက်တဲ့ အာဆီယံ

လက်ရှိမြန်မာနိုင်ငံအတွင်း ဖြစ်ပွားနေတဲ့ တိုက်ပွဲများနဲ့ ပတ်သက်ပြီး  မြန်မာနိုင်ငံဆိုင်ရာ အာဆီယံအထူးကိုယ်စားလှယ်ဖြစ်တဲ့ ဘရုနိုင်းဒုတိယနိုင်ငံခြားရေးဝန်ကြီး Erywan Yusof က အပစ်အခတ်ရပ်စဲဖို့ တိုက်တွန်းလိုက်တယ်လို့ နိုင်ငံတကာသတင်းများရဲ့ ဖော်ပြချက်အရ သိရပါတယ်။ မြန်မာနိုင်ငံကို လူသားခြင်းစာနာမှု အကူအညီများ ချောမွေ့စွာပေးနိုင်ရေးအတွက် လက်နက်ကိုင် အဖွဲ့အစည်းများအားလုံး (၄) လ အပစ်အခတ်ရပ်ဆဲထားရန် တောင်းဆိုလိုက်တာ ဖြစ်ပါတယ်။

အကူအညီပေးရေး လုပ််ငန်းများကိုတော့ စက်တင်ဘာလ ဒုတိယအပတ် တတိယအပတ်လောက်မှာ စတင်ဆောင်ရွက်ဖို့ စီစဉ်ထားတယ်လို့လည်း သိရပါတယ်။ အပစ်ရပ်စဲဖို့ တောင်းဆိုမှုကို ပြီးခဲ့သည့် ဩဂုတ်လ (၃၁) ရက်နေ့ ဗီဒီယိုကွန်ဖရင့် အစည်းအဝေးမှာ   Erywan  Yusof မှ စကစတပ်ရဲ့ နိုင်ငံခြားရေးဝန်ကြီးထံသို့ တောင်းဆိုခဲ့တာဖြစ်ပြီး အဆိုပြုချက်ကို လက်ခံခဲ့တယ်လို့လည်း အာဆီယံကိုယ်စားလှယ်မှ ထုတ်ဖော်ပြောကြားခဲ့ပါတယ်။

နိုင်ငံရေးမတည်ငြိမ်မှုတွေအပြင် စီးပွားရေးအခက်အခဲကြပ်တည်းမှုတွေနဲ့ ကိုဗစ်ရောဂါ စတဲ့ ကပ်ဆိုး(၃)မျိုး ခံစားနေရတဲ့ မြန်မာနိုင်ငံသားများအတွက် အကူအညီများပေးနိုင်ဖို့စီစဉ်နေပြီး အင်ဒိုနီးရှားနိုင်ငံအခြေစိုက် အာဆီယံလူသားခြင်းဆိုင်ရာအထောက်အပံ့ပေးရေးဌာနချုပ်မှ(ASEAN Coordinating Centre for Humanitarian Assistance) မြန်မာနိုင်ငံကို ကူညီမှုများ ပေးအပ်သွားမှာဖြစ်တယ်လို့လည်း သိရပါတယ်။ အဆိုပါတောင်းဆိုမှုနဲ့ပတ်သက်ပြီး မြန်မာပြည်သူတွေကတော့လအာဆီယံကို ပြည်သူတွေဘက်က ရပ်တည်ပေးဖို့အတွက် ဆန္ဒပြတောင်းဆိုမှုများ ပြန်လည်ပြုလုပ်ခဲ့ကြတာ တွေ့ရပါတယ်..။