တံတားကိုဖြတ်ကူးနေစဥ်အတွင်း ရေစီးဖြင့်ပါသွားခဲ့သည့် ကားတစ်စီးရဲ့ ရုပ်သံဖိုင်တစ်ခုဟာ လတ်တလော လူမှုကွန်ယက်မှာ ပျံနှံ့လာခဲ့တာတွေ့ရပါတယ်။ ဒီဗီဒီယိုဖိုင်ဟာ စတင်ဘာလ (၃)ရက်နေ့က မလေးရှားနိုင်ငံ ဆာဘားပြည်နယ်အတွင်းက ကျေးရွာတစ်ရွာမှာ ဖြစ်သွားခဲ့တာ ဖြစ်ပါတယ်။ အဆိုပါကျေးရွာမှာ မိုးသည်းထန်စွာရွာသွန်းခဲ့ပြီး ရုတ်တရက် ရေကြီးရေလျှံမှုတွေကြောင့် တံတားဖြတ်ကူးတဲ့ ကားတစ်စီးဟာ ရေစီးဖြင့် ချောင်းထဲပါသွားခဲ့တာ ဖြစ်ပါတယ်။
ရေထဲပါသွားတဲ့ ကားကိုတော့ ဒေသခံပြည်သူများနဲ့ ကယ်ဆယ်ရေးသမားတွေက လိုက်လံရှာဖွေမှုတွေ လုပ်ဆောင်ခဲ့ပါတယ်။ စတင်ဘာလ(၄)ရက်နေ့ မနက်ပိုင်းမှာတော့ (၁)နာရီလောက်ရှာဖွေမှု လုပ်ဆောင်ခဲ့ပြီးနောက် ရေစီးဖြင့်ပါသွားခဲ့တဲ့နေရာကနေ မီတာ(၂၀၀)လောက်မှာ အဆိုပါကားကို ပြန်လည်တွေ့ရှိခဲ့တယ်လို့ နိုင်ငံပိုင်သတင်းများက ဖော်ပြခဲ့ပါတယ်။
ကားပေါ်ပါသွားသူ အသက်(၆၈)နှစ် ယာဉ်မောင်း Simon Sanga Tupe နဲ့ အသက်(၃၀)နှစ်အရွယ် Juning Matonga တို့နှစ်ဦးလုံးကတော့ ကားထဲပိတ်မိပြီး သေဆုံးလျက်တွေ့ရှိခဲ့တယ်လို့ ဆိုပါတယ်။ သေဆုံးသူတွေရဲ့ ရုပ်အလောင်းများကိုတော့ ရှာဖွေကယ်ဆယ်ရေးသမားတွေက အာဏာပိုင်တွေကို လွှဲပြောင်းပေးခဲ့ကြောင်း ဖော်ပြထားပါတယ်။ ဒီရုပ်သံဖိုင်ဟာ မလေးရှားနိုင်ငံမှာ ကြည့်ရှုသူများခဲ့ပြီး ပြည်သူတွေကတော့ သေဆုံးသူတွေအတွက် ဆုတောင်းပေးခဲ့ကြပါတယ်။
သတင်း အရင်းအမြစ်៖ Source - N SEMASA