တတိယလှိုင်း ကိုဗစ်ကာလမှာတော့ ပြည်သူတွေ ကျေးဇူး အထူး တင်နေကြတာကတော့ ပရဟိတ သူရဲကောင်းတွေပဲ ဖြစ်ပါတယ်။ နေ့တွေ ညတွေ မရှောင် နေပူပူမိုးရွာရွာ အများအတွက် အနစ်နာခံကာ ကိုဗစ်နဲ့ ပတ်သက်တာ ကိစ္စအဝဝကို ကူညီဆောင်ရွက်ပေးနေကြတာပါ ။ ဒါကတော့ လူမှုကွန်ရက်စာမျက်နှာတွေထက်မှာ ပြည်သူတွေ အများစု ဖော်ပြပေးကြလို့လည်း ပရဟိတ သူရဲကောင်းတွေရဲ့ လေးစားစရာ လုပ်ဆောင်ချက်တွေကို သိမြင်နေရတာလည်းဖြစ်ပါတယ် ။
တစ်ချို့ကြတော့လည်း လူတွေ သိပ်မသိလိုက်ဘဲ ဒီလိုကာလတွေမှာ ပါဝင်ကာ ဆောင်ရွက်ပေးနေကြတဲ့ သူရဲကောင်းတွေ များစွာလည်းရှိနေပါတယ် ။ ဒါကတော့ ကလေးမြို့မှာ ကိုဗစ်ကြောင့်သေဆုံးသူတွေကို မြှပ်နိုင်ရန်အတွက် နေပူမရှောင် မိုးရွာမရှောင် အုတ်စီပေးနေကြရတဲ့ ပန်းရံအလုပ်သမားတွေပဲဖြစ်ပါတယ် ။ ကလေးမြို့မှာဆိုရင် ခုချိန်အထိ သေဆုံးသူ လူဦးရေ (၅၆၀) ရှိနေပြီး ပန်းရံလုပ်သားတွေခမျာအကာအကွယ်တွေမဝတ်နိုင်ဘဲ ရောဂါတွေကြားက အချိန်မှီမြှပ်နိုင်အောင် ဆောင်ရွက်ပေးနေကြရတယ်လို့ သိရပါတယ် ။
ဒါကြောင့် သူတို့တွေကိုလည်း ပန်းရံသမား သက်သက်လို့ မမြင်ဘဲ သူရဲကောင်းတွေ အဖြစ် အသိအမှတ်ပြုပေးသင့်ကြောင်းကို ပြည်သူတစ်ယောက်က " ဒီနေ့ ကျွန်တော် တင်ပြချင်တာကတော့
"Social Media ပေါ်မှာ မြင်တွေ့ရလေ့မရှိ လူပြောနည်းတဲ့ ကလေးမြို့သကြိုင်းအတွင်း နေပူမိုးရွာ မရှောင်အုတ်စည်ပေးတဲ့နောက်ကွယ်က ပန်းရံသမားတွေရဲ့ အကြောင်းဖြစ်ပါတယ်ဗျာ။ ပန်းရံသမားဆိုတာနဲ့ လူတွေရဲ့ အတွေးထဲမှာတော့ အထင်ကြီးလေးစားတဲ့ အတွေးမျိုးတော့ ချက်ချင်းပေါ်မလာဘူးဆိုတာ ၈၀%လောက်သေချာပါတယ် ကျွန်တော်ကိုယ်တိုင်ကစပေါ့။တကယ်တော့ သူတို့တွေက နေ့စားရတယ်ဆိုပေမဲ့မိသားစုအတွက် လုံလောက်မှုရှိလားဆိုရင် အဖြေက ရှင်းပါတယ် ဘယ်ရှိပါ့မလဲဗျာ.....တံလက်ကိုင် မဟုရင်ပုံမှန်အားဖြင့် ၅၀၀၀ to ၈၀၀၀ကျပ်လောက်ပဲရတာကို (ကြ က်သား တစ်ပိတ်သာ တောင် ၆၀၀၀ကျပ်လောက်ရှိတာ)။ သူတို့တွေက တကယ်တော့လေးစားဖို့ကောင်းပါတယ်ဗျာ.... ဒီကိုဗစ်တိုက်ပွဲအတွင်းမှာပေါ့..........အနေအခြေ အရ ကိုဗစ်ရောဂါကြောင့် သေဆုံးပါက ချက်ချင်း မြေမြှုပ်သဂြိုလ်ရတာဖြစ်ပြီး..........ကျွန်တော်တို့ကလေးမြို့မှာဆိုရင် တစ်နေ့ လူအနည်းဆုံး ကိုဗစ်ရောဂါကြောင့် ဆယ်ကျော်သေတယ်ဆိုတာ လက်တွေ့ မြင်နေရတာပါ။ တစ်နေ့ အုတ်ဂူဘယ်လောက်ပဲ စည်စည် ဝင်ငွကပုံမှန် ၅၀၀၀ to ၈၀၀၀ ကျပ်ရတာပါ ကျွန်တော်လေ့လာသိရှိရသလောက်ပေါ့ဗျာ............ဆိုတော့သူတို့တွေက ပိုပြီး ပင်ပန်းရတာပေါ့ ပိုပြီး ကျန်းမာရေးအရ အန္တရာယ်ရှိတာပေါ့ ပိုပြီးတော့ ရောဂါကူးစက်နိုင်ဖွယ်ရှိတာပေါ့ ပိုးသတ်ဆေးဖြန့်နေပေမဲ့ 100%စိတ်ချလို့မရပါ) ခင်ဗျာတိုလို သူတိုမှာ "PPE,Level - 2, NK95Mask, Cap,လက်အိတ် တပ်ဖို့ ငွေရေးကြေးရေးအရလုံလောက်မှုမရှိပါ(အနေအခြေကလည်း မပေးပါ)။ " ရေးသားဖော်ပြထားရာ စာလေးဖတ်ပြီး စိတ်မကောင်းသလို လေးစားမိတာကြောင့် ပြန်လည်ဝေမျှပေးလိုက်ပါတယ် ။