ခုဖော်ပြမယ့် ကောင်မလေးရဲ့ နာမည်ကတော့ Shalini Yadav ဖြစ်ပီး သူမဟာ မွေးကတည်းက ၄၅ရက်ကြာတစ်ခါ အရေခွံလဲရပြီး အသားပေါ်က အရေပြားတွေ ခြောက်သွေ့ပြီး ကွာကျတဲ့ ဝေဒနာကို ခံစားနေရသူပဲ ဖြစ်ပါတယ်။ ဒါ့ကြောင့် သူမဟာ မြွေတွေဆီက ဆင်းသက်လာသူလို့ လူသိများပါတယ်။

Shalini အပါအဝင် လူရှစ်ယောက်ရှိတဲ့သူမရဲ့မိသားစုဟာ အင်မတန်ဆင်းရဲလွန်းတာကြောင့် Shalini ကို ဘယ်လိုမှ အကူအညီမပေးနိုင်ခဲ့ပါဘူး။ ဒါပေမယ့်လည်း သူမရဲ့ မိခင်ဖြစ်သူ Devkunwar ကတော့ မရရအောင်ကြိုးစားပီး ဆရာဝန်တွေအမြောက်အများနဲ့ပြသခဲ့ပေမယ့် သူမရဲ့အရေပြားရောဂါကို ကုသပေးနိုင်တဲ့ဆရာဝန်မတွေ့ရှိခဲ့ပါဘူး။

Shalini ရဲ့ရောဂါဟာ Erythroderma လို့ခေါ်တဲ့ အရေပြားရောဂါတစ်မျိုးဖြစ်ပြီး အဲ့ရောဂါကတော့ အရေပြားတွေခြောက်သွေ့မာလာပြီး နောက်ဆုံး အကြေးခွံပုံစံအဖတ်တွေဖြစ်ကာ ကွာကျတတ်တဲ့ ရောဂါပဲဖြစ်ပါတယ်။ Shalini ဟာ သူမရဲ့အရေပြား ခြောက်သွေ့ပြီးကွာကျနေတဲ့ အနေအထားကနေ ခဏတာသက်သာဖို့အတွက် ရေထဲမှာစိမ်နေရတာ ဒါမှမဟုတ် Lotion လိမ်းရတာမျိုးလုပ်ရပါတယ်။ ဒီရောဂါအခြေအနေကြောင့်ပဲ Shalini ဟာ ကျောင်းလဲမတက်နိုင်သလို လူကြားထဲတောင်မသွားရဲရှာပါဘူး။

သတင်းအရင်းမြစ်: Elitereader

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။