လက်ရှိမိုးတွင်းကာလမှာတော့ ပြည်သူတွေက ရာသီတုပ်ကွေးကြောင့်လည်း ဖျားနာနေကြသလို ကိုဗစ်ကူးစက်ခံရလို့လည်း ဆေးကုသမှုတွေခံယူနေရတာပဲဖြစ်ပါတယ်။အနုပညာရှင်တွေထဲမှာလည်း ကိုဗစ်ကူးစက်ခံရသူတွေရှိနေတာကြောင့် သူတို့အနေနဲ့လည်း ကိုယ်တိုင်ကျင့်သုံးနေတဲ့ ဆောင်ရန်၊ရှောင်ရန်လေးတွေကို မျှဝေပေးနေတာဖြစ်ပါတယ်။ဟာသသရုပ်ဆောင်တစ်ယောက်ဖြစ်တဲ့ ကိုစိန်သီးကလည်း လက်ရှိမှာ အသက်ရှုကြပ်လို့ အောက်ဆီဂျင်ရှူနေရတဲ့အခြေအနေဖြစ်ပါတယ်။

Photo Credit:Sein Thee’s Fb acc
Photo Credit:Sein Thee’s Fb acc

ကိုစိန်သီးက လွန်ခဲ့တဲ့ (၂)ရက်ကမှ ပြည်သူတွေဆီကိုယ်တိုင်သွားရောက်ပြီး အလှူအတန်းတွေပြုလုပ်နေတာကို သူ့ရဲ့လူမှုကွန်ယက်စာမျက်နှာပေါ်မှာ တွေ့မြင်ရပါတယ်။အခုလိုမျိုး ရုတ်တရက်အသက်ရှူကြပ်သွားတဲ့ ကိုစိန်သီးအတွက် ပြည်သူတွေကလည်း အမြန်ဆုံးသက်သာပါစေလို့ ဆုတောင်းပေးနေကြတာဖြစ်ပါတယ်။ကိုစိန်သီးနဲ့ညီအစ်ကိုလိုခင်မင်ရင်းနှီးတဲ့ ဟာသသရုပ်ဆောင်ကိုဖိုးသဲကလည်း ဒီအခြေအနေကိုကြားသိရတော့ အရမ်းစိတ်မကောင်းဖြစ်နေရတာဖြစ်ပါတယ်။

Photo Credit:Sein Thee’s Fb acc
Photo Credit:Sein Thee’s Fb acc

ကိုဖိုးသဲက သူခက်ခဲနေချိန်မှာ အကူအညီတွေပေးခဲ့တဲ့ ကိုစိန်သီးကို ပြန်ပြီးမကူညီနိုင်လို့ ဝမ်းနည်းနေတာဖြစ်ပါတယ်။ကိုစိန်သီးကတော့ အလှူအတန်းတွေအများကြီးလုပ်ဆောင်ခဲ့ပြီး အခုချိန်မှာ ကျန်းမာရေးအခြေအနေကြောင့် အလှူတွေလည်းဆက်မလုပ်နိုင်တာဖြစ်ပါတယ်။ဒါ့ကြောင့် ဟာသသရုပ်ဆောင်ကိုစိန်သီးလည်း အမြန်ဆုံးသက်သာပျောက်ကင်းပြီး အလှူအတန်းတွေပြန်လုပ်နိုင်ပါစေလို့ ဆုတောင်းပေးရင်း ပြန်လည်မျှဝေပေးလိုက်ပါတယ်။

Photo Credit:Phoe Thae’s Fb acc
Photo Credit:Phoe Thae’s Fb acc

Source:Phoe Thae’s Fb Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။