ကိုဗစ်ကူးစက်ရောဂါကြောင့်သေဆုံးနေရသူတွေက တစ်နေ့ကို ရာချီရှိနေပြီး အမြို့မြို့၊အနယ်နယ်က မီးသင်္ဂြိုလ်စက်တွေမှာလည်း အလောင်းတွေစုပုံလို့နေပါတယ်။ပြည်သူတွေကတော့ ဒီရောဂါဆိုးကြီးကို ကြိုတင်ကာကွယ်မှုတွေနဲ့ တိုက်ထုတ်နေရတာဖြစ်ပြီး အပြန်အလှန်ဖေးမကူညီမှုတွေလည်း ဆောင်ရွက်နေကြတာဖြစ်ပါတယ်။အနုပညာရှင်တွေထဲမှာလည်း ကိုဗစ်ကြောင့်သေဆုံးနေရသူတွေရှိလို့ သူတို့ရဲ့ပရိသတ်တွေက မိသားစုနဲ့ထပ်တူဝမ်းနည်းနာကျင်နေကြတာပဲဖြစ်ပါတယ်။

Photo Credit:ဗီဗာဟိန်း Fb Acc
Photo Credit:ဗီဗာဟိန်း Fb Acc

အဆိုတော်ဗီဗာဟိန်းတို့ တစ်မိသားစုလုံးလည်း ကိုဗစ်ကူးစက်ခံထားရတာဖြစ်ပြီး သူမရဲ့ အဖေနဲ့အမေကိုတော့ဆေးရုံတင်ထားခဲ့ရတာဖြစ်ပါတယ်။စိတ်မကောင်းစွာနဲ့ပဲ ဗီဗာဟိန်းရဲ့ဖခင်ကတော့ ဇူလိုင်လ (၂၅)ရက်နေ့ မနက်(၃)နာရီအချိန်တွင် ကွယ်လွန်သွားခဲ့တာပဲဖြစ်ပါတယ်။ဗီဗာဟိန်းကတော့ သူမရဲ့ဖခင်ကွယ်လွန်သွားလို့ ရင်တွေကွဲပြီး အရမ်းဝမ်းနည်းခံစားနေရတာဖြစ်ပါတယ်။အခုဆိုရင် သူမရဲ့မိခင်ဖြစ်သူကလည်း ဖခင်နဲ့ (၂)ရက်ပဲခြားပြီးဇူလိုင်လ (၂၇)ရက်နေ့ ညမှာ ထပ်မံကွယ်လွန်သွားခဲ့ပါတယ်။

Photo Credit:ဗီဗာဟိန်း Fb Acc
Photo Credit:Kyaw Kyaw Nanda’s Fb acc
Photo Credit:ဗီဗာဟိန်း Fb Acc

ဗီဗာဟိန်းကတော့ ဖခင်ဆုံးတာ ဘယ်လောက်မှမကြာသေးဘဲ မိခင်ကိုပါ ဆုံးရှုံးလိုက်ရလို့ အရမ်းခံစားနေရမှာပဲဖြစ်ပါတယ်။သူမရဲ့မိဘနှစ်ပါးလုံးက ဆေးရုံမှာကုသမှုခံယူနေရင်းနဲ့ပဲ ကွယ်လွန်သွားခဲ့ကြတာဖြစ်ပါတယ်။ကိုဗစ်ရောဂါဆိုးကြီးကတော့ မိသားစုတွေကို သေကွဲခွဲနေပြီး နေ့တိုင်း စိတ်မကောင်းစရာသတင်းတွေကိုသာ ကြားသိနေရတာဖြစ်ပါတယ်။ဖခင်ရော မိခင်ကိုပါ ဆုံးရှုံးလိုက်ရတဲ့ ဗီဗာဟိန်းရဲ့ ဝမ်းနည်းပူဆွေးမှုကို ကိုယ်ချင်းစာရင်း စိတ်မကောင်းစွာနဲ့ ပြန်လည်မျှဝေပေးလိုက်ပါတယ်။

Photo Credit:ဗီဗာဟိန်း Fb Acc
Photo Credit:Kyaw Kyaw Nanda’s Fb acc

Source&Photo Credit:ဗီဗာဟိန်း Fb Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။