လတ်တလော မြန်မာပြည်သူတွေကတာ့ ကိုဗစ်ရောဂါကို ခံစားနေရတဲ့အပြင် အဆက်မပြတ် မိုးရွာသွန်းမှုကြောင့် ရေကြီးရေလျှံမှုတွေကိုပါ ကြုံတွေ့လာရပါတယ်။ လက်ရှိမှာ ရခိုင်ပြည်နယ်၊ ရှမ်းပြည်နယ် ၊ မွန်ပြည်နယ်နဲ့ ကရင်ပြည်နယ်တွေရှိ မြို့နယ်ကျေးရွာတွေမှာ မိုးအဆက်မပြတ် ရွာသွန်းခဲ့တာကြောင့် ရေကြီးမှုတွေအပြင် မြေပြိုကျမှုတွေပါ ဆိုးဆိုးရွားရွား ဖြစ်ပွားနေကြတာ ဖြစ်ပါတယ်။ ယမန်နေ့ကဆိုရင်လည်း မွန်ပြည်နယ်က နေရာတချို့မှာ ရေကျသွားခြင်းမရှိဘဲ ပိုမိုတက်လာတာကြောင့် ဒေသခံပြည်သူတွေကို ဘေးလွတ်ရာသို့ ပြောင်းရွှေ့ပေးနေကြတာ တွေ့ရပါတယ်။

Photo Credit - Original Upload
Photo Credit - Original Upload
Photo Credit - Original Upload

အလားတူပင် ယမန်နေ့ ညပိုင်းကလည်း ကရင်ပြည်နယ်အတွင်းရှိ မြန်မာ-ထိုင်းနယ်စပ်က သောင်ရင်းမြစ်ရေဟာ အဆမတန် မြင့်တက်လာတာကြောင့် မြဝတီမြို့ရဲ့ နေရာတချို့မှာ ရေများဝင်ရောက်ခဲ့ပြီး ရေကြီးရေလျှံမှုတွေ ဖြစ်ပွားခဲ့ပါတယ်။ ပျံ့နှံ့လာတဲ့ သတင်းများအရ တချို့တစ်ထပ်အိမ်တွေဟာ ရေနစ်မြုပ်သွားခဲ့တာကြောင့် မိသားစုတွေ နေလို့မရတော့ဘဲ ရေလွတ်တဲ့နေရာတွေကို ညတွင်းချင်း ပြောင်းရွှေ့ခဲ့ရသလို တချို့မိသားစုတွေ ပိတ်မိနေကြတာတွေလည်း ရှိတယ်လို့ ကြားသိရပါတယ်။

Photo Credit - Original Upload
Photo Credit - Original Upload
Photo Credit - Original Upload

ယနေ့ ဇူလိုင်က (၂၇)ရက်နေ့ မနက်ပိုင်းမှာတော့ မြဝတီမြို့ရဲ့ ရေနစ်မြုပ်နေကြတဲ့ စိတ်မကောင်းစရာ မြင်ကွင်းတချို့ကလည်း လူမှုကွန်ယက်မှာ တွေ့လာရပါတယ်။ လမ်းမပေါ်တွေမှာ ရပ်ထားတဲ့ကားတွေတောင် မြုပ်လုနီးပါး ရေကြီးနေတဲ့ ဒီမြင်ကွင်းကတော့ ပြည်သူတွေအတွက် တကယ့်ကို စိတ်မကောင်းဖြစ်မိမှာ အမှန်ပါ။ ပရိသတ်တွေလည်း လက်ရှိ ရေကြီးရေလျှံမှုတွေကို ဆိုးဆိုးရွားရွား ခံစားနေရတဲ့ ပြည်သူတွေအတွက် ဘေးအန္တရယ်ကင်းရှင်းအောင် ဆုတောင်းမေတ္တာတွေ ပို့သပေးကြပါဦးနော်.....။

Photo Credit - Original Upload
Photo Credit - Original Upload
Photo Credit - Original Upload

သတင်းအရင်းမြစ်: Source - Original Upload

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။