လက်ရှိမှာ Covid 19တတိယလှိုင်း ကူးစက်မှုတွေကြောင့် မြန်မာပြည်အတွင်း သေဆုံးသူလူနာများ တစ်နေ့တစ်ထက်တစ်နေ့ ပိုမို များပြားလာနေပြီ ဖြစ်ပါတယ်။
ကိုဗစ်ကူးစက်မှုတွေမှာ အိမ်လုံးကျွတ်ကူးစက်မှုတွေအထိဖြစ်ပေါ်နေတာကြောင့် အပြင်လည်းမထွက်နိုင်ဖြစ်နေကြကာ ဆေးဝါးအကူအညီတွေလည်းလိုအပ်နေကြတာဖြစ်ပါတယ်။
ကိုဗစ်လူနာအတော်များများမှာလည်း အောက်ဆီဂျင်ကျတဲ့အခြေအနေတွေနဲ့ရင်ဆိုင်နေရပြီး အောက်ဆီဂျင်အိုးရရှိရန်ခက်ခဲလွန်းတာကြောင့် အသက်သေဆုံးနေကြရတဲ့ လူနာတွေလည်းအတော်များလာနေတာတွေ့ရပါတယ်။ အခုလိုအခြေအနေတွေကြောင့် အောက်ဆီဂျင်တန်းစီဖို့အတွက် volunteerလုပ်ကာကူညီပေးနေကြတဲ့ လူငယ်လေးတွေလည်းများလာနေပြီး ၎င်းတို့ထဲမှာဆိုရင် မော်ဒယ်လ်မင်းသားမင်းသွေးခန့်တစ်ယောက်လည်း အပါအ၀င်ဖြစ်ပါတယ်။
မင်းသွေးခန့်ဟာ နေ့တိုင်းနီးပါးအောက်ဆီဂျင်အတွက် volunteerလုပ်ပေးနေတာဖြစ်ပြီး လိုအပ်နေတဲ့ဆေးဝါးတွေကိုလည်း ၀ယ်ယူကာ ကိုဗစ်ကူးစက်ခံထားရတဲ့သူတွေဆီကို အိမ်တိုင်ရာသွားရောက်ပို့ပေးနေတာလည်းဖြစ်ပါတယ်။ မကြာသေးမီကလည်း မင်းသွေးခန့်ဟာ PPE၀တ်စုံ၀တ်ကာ အောက်ဆီဂျင်အိုးတွေသယ်ရင်း ကိုဗစ်လူနာတွေရဲ့ အိမ်ကိုသွားရောက်ပို့ပေးနေတဲ့ လေးစားစရာပုံလေးတွေမျှဝေထားဝာာတွေ့ရပါတယ်။ ပရိသတ်တွေအတွက် ပြန်လည်ဖော်ပြပေးလိုက်ရပါတယ်။
သတင်း အရင်းအမြစ်៖ Min Thway Khant's Facebook acc