ယမန်နေ့တွေတည်းက မြန်မာနိုင်ငံအတွင်းနေရာတော်တော်များများမှာ မိုးသည်းထန်စွာရွာသွန်းနေပြီးရေကြီးရေလျှံမှုတွေ အတော်များများဖြစ်ပေါ်နေပါတယ်။
ကရင်ပြည်နယ်တွင်းရှိမြို့တွေမှာဆိုရင် မြစ်ရေလျှံတက်လာမှုကြောင့် ရေဘေးသင့်ပြည်သူတွေများလာနေပြီး အရေးပေါ်ယာယီကယ်ဆယ်ရေးစခန်းတွေပါ ဖွင့်ထားရတာတွေ့ရပါတယ်။
ဒီကနေ့ဇူလိုင်လ ၂၇ရက်နေ့မနက်ပိုင်းမှာဆိုရင်လည်း မိုးသည်းထန်စွာရွာသွန်းမှုကြောင့် ရခိုင်ပြည်နယ် သံတွဲမြို့မှာရေကြီး ရေလျှံမှုတွေဖြစ်ပေါ်နေပြီး မြို့ပေါ်တွေမှာပါရေလွှမ်းမှုတွေဖြစ်နေပြီး ဓာတ်အားပေးစက်ရုံတွေမှာပါ ရေလွှမ်းမှုတွေဖြစ်ပေါ်နေတာပါ။ အခုလိုဓာတ်အားပေးစက်ရုံတွေအထိ ရေလွှမ်းနေတာကြောင့် သံတွဲမြို့အတွင်းမှာ လျှပ်စစ်ဓာတ်အားယာယီပြတ်တောက်မှုတွေ ဖြစ်ပေါ်နေတယ်လို့သိရပါတယ်။
ပြည်သူတွေအနေနဲ့ နိုင်ငံရေးမတည်ငြိမ်မှုတွေအပြင် အခုလိုရေကြီးရေလျှံမှုတွေပါတွေ့ကြုံနေကြရတဲ့အတွက် ဆင်းရဲဒုက္ခမျိုးစုံကိုခံစားနေကြရတာပါ။ ရာသီဥတုဆိုးရွားမှုတွေကြောင့် ကမ်းရိုးတန်းနီးပြည်သူတွေနဲ့ မြစ်ချောင်းတွေနဲ့နီးရာ မြို့တွေမှာရှိတဲ့ပြည်သူတွေအနေနဲ့ ရေကြီးမှုအချိန်မရွေးကြုံနိုင်တာကြောင့် ကြိုတင်ပြင်ဆင်ထားကြဖို့လိုအပ်ပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Myanmarload