Alex Loredo လို့ခေါ်တဲ့ အသက် ၁၈ နှစ်အရွယ်ကောင်လေးဟာ ပြီးခဲ့တဲ့ရက်ပိုင်းက California မှာရှိတဲ့သူ့နေအိမ်ရဲ့ စာပွဲခုံအောက်ကနေ တရှူးရှူး နဲ့မြွေတွန်သံလိုမျိုး အသံကိုကြားခဲ့ရတယ်လို့ သိရပါတယ်။
ဒါ့ကြောင့် စားပွဲအောက်ကိုငုံကြည့်လိုက်တဲ့အချိန်မှာ အသင့်စောင့်ဆိုင်းနေတဲ့ မြွေဟောက်ကြီးကို တွေ့လိုက်ရပါတယ်။
ဒါ့ကြောင့် Alex ဟာလန့်ဖြန့်သွားခဲ့ပြီး ပြန်လှည့်ဖို့ကြိုးစားခဲ့ပေမယ့် မြွေဟောက်က သူ့ကိုတိုက်ခိုက်ဖို့ လုပ်ခဲ့ပါတယ်။
ဒါပေမယ့် အဲ့အချိန်မှာပဲ Alex ရဲ့ခွေးလေး Marley ဟာအလျင်အမြန်ရောက်လာခဲ့ပြီး သခင်ဖြစ်သူ မြွေဟောက်လက်ကနေ လွတ်ဖို့အတွက် ကြားထဲကနေဝင်ပြီး မြွေဟောက်ကိုတိုက်ခိုက်ခဲ့ပါတယ်။
ဒါ့ကြောင့်ပဲ ခွေးလေး Marley ဟာ မြွေဟောက်ရဲ့ လျှင်မြန်လှတဲ့ ပေါက်ချက် ၂ ချက်ကိုခံခဲ့ရပြီး ဒဏ်ရာပြင်းပြင်းထန်ထန် ရရှိခဲ့ပါတယ်။
ခွေးလေး Marley ဟာ ဒီပေါက်ခံရမှုကြောင့်ပဲ ပါးစပ်နဲ့ ဂုတ်မှာ ဒဏ်ရာရရှိခဲ့ပြီး မြွေဆိပ်ကြောင့် မလှုပ်နိုင် မရှားနိုင်ထိ ဖြစ်ခဲ့ရပါတယ်။
Alex အနေနဲ့လည်း ဒီအဖြစ်အပျက်ကိုမြင်ပြီး အခင်ဆုံး သူငယ်ချင်းတစ်ယောက်ကို ဆုံးရှုံးရတော့မလို ဝမ်းနည်းတဲ့ ခံစားချက်ဖြစ်ပေါ်ခဲ့ပြီး Marley ကိုပွေ့ချီကာ ကားပေါ်တင်ပြီး ဆေးရုံကိုအပြေးမောင်းသွားခဲ့ပါတယ်။
ကံကောင်းလွန်းတာက မြွေဆိပ်အရမ်းမပြန့်ခင် ဆေးရုံကိုအမှီရောက်တဲ့အတွက် ခွေးလေး Marley ဟာ နှစ်ရက်လောက် ဆေးရုံတက်ကုသပြီးနောက်မှာ ပြန်ကောင်းလာခဲ့ပါတယ်။ ဘာ့ကြောင့်ပဲဖြစ်ဖြစ် သခင်ဖြစ်သူရဲ့အသက်ကို ဘဝနဲ့ရင်းပြီး ကယ်တင်ခဲ့တဲ့ ခွေးလေး Marley ရဲ့ သစ္စာရှိမှုကတော့ တကယ်လေးစားစရာပါပဲ။
သတင်း အရင်းအမြစ်៖ Daily Star