မခွဲနိုင်မခွာနိုင်ဖြစ်လို့ လက်ထိပ်ခတ် အတူနေပြီးမှ မနေနိုင်တော့လို့ ပြန်ဖြုတ်တဲ့ စုံတွဲ

ယူကရိန်းနိုင်ငံကAlexandr Kudlay နဲ့ Viktoria Pustovitova တို့ ချစ်သူ နှစ်ဦးဟာ ပြီးခဲ့တဲ့ ဖေဖော်ဝါရီလ ၁၄ ရက်နေ့ (ချစ်သူများနေ့) ကနေ စပြီး လက်ထိပ်ခတ်ကာ အတူနေခဲ့ကြပါတယ်။

သူတို့နှစ်ဦးဟာ တစ်ယောက်နဲ့တစ်ယောက် အချစ်တွေပိုပြီး မခွဲနိုင်မခွာနိုင်ဖြစ်နေသလို လက်ထိပ်ကို တစ်ယောက်ရဲ့လက်တစ်ဖက်ဆီမှာ ခတ်ပြီး ဘယ်လောက်ထိနေနိုင်လဲ သိချင်တဲ့အတွက် စမ်းသပ်တဲ့အနေနဲ့ အတူနေခဲ့ကြတာပဲ ဖြစ်ပါတယ်။

သူတို့နှစ်ဦးဟာ လက်ထိပ်ခတ်ထားတာကြောင့် ရေချိုး ၊ ထမင်းစား ၊ အပြင်သွား ဘာလုပ်လုပ်အတူတူဖြစ်နေခဲ့ပြီး နောက်ဆုံး အိမ်သာသွားရင်တောင်မှ အတူတူပါပဲ။

ဒါပေမယ့် နေကာစကတော့ အချစ်တွေနဲ့ပြည့်ပြီး အဆင်ပြေခဲ့ကြပေမယ့် ရက်တွေကြာလာတဲ့အခါမှာတော့ ဂရုစိုက်မှုအပြည့်မရတာတွေ ၊ နှစ်ယောက်သားဘာလုပ်လုပ် အတူရှိနေပေမယ့် မပျော်ရွှင်ရတာတွေ ၊ လက်ထိပ်ကြောင့် လွတ်လပ်မှုကို မခံစားရတာတွေနဲ့ အခြားသော အဆင်မပြေမှုတွေ ဖြစ်လာခဲ့ပါတယ်။

ဒါ့ကြောင့် သူတို့ချစ်သူနှစ်ဦးဟာ လက်ထိပ်ခတ်ပြီး နေထိုင်လာတာ ၁၂၃ ရက်မြောက်တဲ့နေ့မှာပဲ အဆင်မပြေတော့လို့ လက်ထိပ်ကို ဖြုတ်ခဲ့ကြပါတယ်။

လက်ထိပ်ဖြုတ်ပီးနောက်မှာတော့ ချစ်သူကောင်မလေးဖြစ်တဲ့ Kudlay ဟာ"ဒါဟာ ကျွန်မတို့နှစ်ယောက်အတွက် သင်ခန်းစာရလိုက်သလိုပါပဲ ၊ ယူကရိန်းချစ်သူစုံတွေအနေနဲ့လဲ ကျွန်မတို့လုပ်ခဲ့သလို လိုက်မလုပ်ကြဖို့ ပြောချင်ပါတယ်"လို့ပြောကြားခဲ့တာတွေ့ရပါတယ်။

သို့ပေမယ့်လည်း သူတို့ချစ်သူနှစ်ယောက်ဟာ လမ်းခွဲပြတ်စဲသွားတာမျိုးတော့ မဟုတ်ပါဘူး၊ လက်ထိပ်ကိုပြန်ဖြုတ်ခဲ့ရုံသာဖြစ်ပြီး အရင်တိုင်းဆက်ချစ်သွားကြမှာပဲ ဖြစ်ပါတယ်။

လက်ရှိမှာလည်း သူတို့ချစ်သူနှစ်ဦးဟာ အလှူလုပ်ဖို့အတွက် သူတို့နှစ်ဦးခတ်ခဲ့တဲ့ လက်ထိပ်ကို လေလံတင်ရောင်းချသွားဦးမယ်လို့ သိရပါတယ်။

သတင်း အရင်းအမြစ်៖ Reuters and Metro