ဖိလစ်ပိုင်နိုင်ငံအတွင်းမှာတော့ တစ်နိုင်ငံလုံး အတိုင်းအတာအနေနဲ့ Covid-19 ကာကွယ်ဆေးတွေ ထိုးဖို့ ဆောင်ရွက်နေကြပါတယ်လို့ သိရပါတယ်။
လက်ရှိ ဖိလစ်ပိုင်နိုင်ငံအတွင်းမှာ ဗီဇပြောင်း Delta ကိုဗစ်-၁၉ ဗိုင်းရပ်စ်မျိုးကွဲ ကူးစက်ပျံ့နှံ့မှုတွေ ရှိလာတဲ့အတွက် ဒီကူးစက်မှုတွေကို ဟန့်တားနိုင်ဖို့အတွက် ကာကွယ်ဆေးထိုးနှံမှုတွေကို အင်တိုက်အားတိုက် ဆောင်ရွက်နေတာပဲ ဖြစ်ပါတယ်။
ဒီအကြောင်းအရာနဲ့ ပတ်သတ်ပြီး ဖိလစ်ပိုင် သမ္မတ ဒူတာတေးအနေနဲ့ covid ကာကွယ်ဆေးထိုးဖို့ ငြင်းဆန်ပါက ထောင်ထဲထည့်ထားမယ်လို့ ပြောကြားခဲ့ပါတယ်။
သမ္မတ ဒူတာတေးပြောကြားခဲ့တာကတော့ " အကယ်၍ မင်းက covid ကာကွယ်ဆေးလည်း မထိုးထားတဲ့သူ ရောဂါကူးစက်နိုင်ခြေ ရှိတဲ့သူတစ်ယောက်ဆိုရင်တော့ ပြည်သူတွေကိုကာကွယ်ဖို့အတွက် ထောင်ထဲထည့်ထားရလိမ့်မယ် " ဆိုတာပဲ ဖြစ်ပါတယ်။
ဒါ့အပြင် သမ္မတ ဒူတာတေးအနေနဲ့ စည်းကမ်းတင်းကြပ်လေ ပိုကောင်းလေပဲလို့ ပြောကြားထားသလို ကာကွယ်ဆေးထိုးဖို့ ငြင်းဆန်သူတွေကိုလည်း စာရင်းပြုစုထားဖို့ မှာကြားထားတယ်လို့ သိရပါတယ်။
ဒါ့ကြောင့် လက်ရှိအခြေအနေအရ ဖိလစ်ပိုင်ပြည်သူတွေမှာ ထောင်ထဲသွားမလား ဒါမှမဟုတ် ကိုဗစ်ကာကွယ်ဆေး ထိုးမလားဆိုပြီး ရွေးချယ်စရာ နှစ်ခုရှိနေပါတယ်။
သတင်း အရင်းအမြစ်៖ The Guardian