သေတ္တာထဲထည့်ကာ မြစ်ထဲမျှောပြီး စွန့်ပစ်ခံခဲ့ရတဲ့ မွေးကင်းစ ကလေးငယ်လေး

ပြီးခဲ့တဲ့ ဇွန်လ ၁၄ ရက်နေ့က အိန္ဒိယနိုင်ငံအတွင်းက Ganges မြစ်ထဲမှာ မွေးကင်းစကလေးလေးတစ်ယောက်ကို ထည့်ထားတဲ့ သစ်သားသေတ္တာတစ်ခု မြောလာခဲ့တယ်လို့ သိရပါတယ်။

ဒီသေတ္တာကိုတော့ ​လှေသမားတစ်ယောက်က တွေ့ရှိခဲ့တာဖြစ်ပြီး အထဲကိုဖွင့်ကြည့်လိုက်တဲ့အခါမှာ ကလေးလေးကို တွေ့ခဲ့ရတဲ့အတွက် သူ့အတွက် အံ့အားသင့်စရာတစ်ခုလို ဖြစ်ခဲ့ရပါတယ်။

အဲ့ဒီနောက်မှာတော့ ​လှေသမားနဲ့ အနီးနားကရွာသားတွေဟာ တာဝန်ရှိသူတွေကိုအကြောင်းကြားပြီး ကလေးလေးကို ဆေးရုံကိုအမြန်ပို့ပေးခဲ့ပြီး ကျန်းမာရေးကိုစစ်ဆေးပေးခဲ့ပါတယ်။

ဒီကလေးလေးဟာ မိန်းကလေးဖြစ်ပြီး ကံကောင်းလွန်တာက ကလေးလေးဟာ ကျန်းမာရေးလည်းကောင်းမွန်တယ်လို့သိရပါတယ်။

ဒီကလေးလေးရဲ့နာမည်ကတော့ Ganga ဖြစ်ပြီး သူ့ကိုထည့်ထားတဲ့ သေတ္တာထဲမှာ နာမည်ရယ် မွေးတဲ့နေ့ရယ်ကိုပါရေးပေးထားခဲ့တယ်လို့ သိရပါတယ်။

သေတ္တာထဲမှာပါတဲ့ မွေးနေ့အရတော့ ဒီကလေးလေးဟာ ရှာတွေ့ခဲ့ချိန်မှာ အသက် ၂၁ ရက်အရွယ်ပဲရှိသေးပြီး တစ်လတောင်မပြည့်သေးပါဘူး..

ဒါ့အပြင် ဒီကလေးလေးရဲ့မိဘတွေဟာ ဘယ်သူဖြစ်လဲဆိုတာကို အခုထိမသိရသေးသလို ဘာကြောင့်စွန့်ပစ်ခံရလဲဆိုတာကိုလည်း မသိရသေးဘူးလို့ သိရပါတယ်။

သတင်း အရင်းအမြစ်៖ Daily Star