ဝက်ဝံတစ်ကောင်ရဲ့ တိုက်ခိုက်မှုကြောင့် မျက်လုံးပါကျွတ်ထွက်သွားခဲ့ရတဲ့ အမျိုးသား

Muhammad Mumtaz လို့ခေါ်တဲ့ အမျိုးသားတစ်ဦးဟာ ဝက်ဝံတစ်ကောင်ရဲ့ တိုက်ခိုက်တာကို ခံခဲ့ရတယ်လို့ သိရပါတယ်။

၄င်းအမျိုးသားဟာ Boniyar က Shaladajan ရွာအနီးက တောထဲမှာ သူ့ရဲ့ဆိတ်ကို ဂရုစိုက်နေတုန်း သူနဲ့အတူရှိနေတဲ့ လူတစ်ယောက်က ဝက်ဝံကို ကျောက်ခဲနဲ့ ပစ်ခဲ့ရာကနေ တိုက်ခိုက်ခံခဲ့ရတာပဲ ဖြစ်ပါတယ်။

ဝက်ဝံရဲ့တိုက်ခိုက်မှုကြောင့် သူရဲ့မျက်နှာ တစ်ခြမ်းဟာ ထိခိုက်ပျက်ဆီးသွားခဲ့သလို တော်တော်လေး ပြင်းထန်တဲ့ ဝေဒနာတွေကို ခံစားခဲ့ရပါတယ်။

ဒါ့အပြင် သူမျက်လုံးတစ်လုံးကလည်း ကျွတ်ထွက်သွားခဲ့ပြီး မျက်နှာတစ်ခုလုံးကလည်း သွေးတွေနဲ့ ပေကျံနေခဲ့ပေမယ့် Muhammad ဟာ တော်တော်လေး သတ္တိကောင်းတဲ့ သူတစ်ယောက်ပါပဲ။

ကံကောင်းတာကတော့ သူငယ်ချင်းတွေက ဝိုင်းပြီး ကျောက်ခဲနဲ့ထုပေးခဲ့တာကြောင့် Muhammad ဟာဝက်ဝံလက်ကနေ အချိန်မီလွတ်ပြီး အသက်ဘေးကနေတော့ လွတ်မြောက်ခဲ့ပါတယ်။

အဲ့ဒီနောက်မှာတော့ သူငယ်ချင်းတွေဟာ Muhammad ကို ဘေးကင်းတဲ့နေရာဆီ ခေါ်ဆောင်သွားပေးခဲ့ကြပြီး ဆေးရုံကိုပို့ပေးခဲ့ကြပါတယ်။

Muhammad ဟာ လက်ရှိမှာ ဒဏ်ရာက သက်သာလာပေမယ့်လည်း မျက်လုံးတစ်ဖက်ကိုတော့ ဆုံးရှုံးထားရတယ်လို့ သိရပါတယ်။

သတင်း အရင်းအမြစ်៖ Daily Star