အသံပါဝါအားကောင်းကောင်းဖြင့် တေးသီချင်းတွေကို သီဆိုနေသူကတော့ အဆိုတော် ထူးအယ်လင်းပဲ ဖြစ်ပါတယ်။ သီချင်းတွေကို ပိုင်နိုင်စွာ သီဆိုနေရုံသာမက ပရဟိတလုပ်ငန်းတွေကိုလည်း အားကြိုးမာန်တက်လုပ်ဆောင်နေတာကို မြင်တွေ့ကြမှာ ဖြစ်ပါတယ်။ လက်ရှိအချိန်မှာလည်း ချစ်ရတဲ့ မိသားစုနဲ့အတူ ပျော်ရွှင်စရာကောင်းတဲ့ မိသားစုဘဝကို ဖန်တီးတည်ဆောက်ထားတာ ဖြစ်ပါတယ်။
သူ့ရဲ့ သမီးကြီးကလည်း မိဘနှစ်ပါးလုံးရဲ့ ဂီတအမွေတွေကို ဆက်ခံရရှိထားပြီး တစ်ခါတစ်ရံ လူမှုကွန်ယက်တွင်သီချင်းဆိုနေတဲ့ ဗီဒီယိုဖိုင်လေးတွေ တင်ပေးနေတာ ဖြစ်ပါတယ်။ အရွယ်ရောက်လာပြီး သိတတ်လိမ္မာတဲ့ သမီးလေးကတော့ ဖခင်ဖြစ်သူရဲ့ ပရဟိတလုပ်ငန်းတွေမှာ ကူညီလုပ်ကိုင်ပေးနေပြီ ဖြစ်ပါတယ်။ ထူးအယ်လင်းကလည်း သမီးလေးရဲ့ ချစ်စရာကောင်းတဲ့ အပြုအမူလေးတွေကြောင့် ကြည်နူးပီတိဖြစ်နေရတာပါ။
မကြာသေးခင် နာရီပိုင်းလောက်ကလည်း ထူးအယ်လင်းရဲ့ လူမှုကွန်ယက်စာမျက်နှာတွင် Live Video လေးတစ်ခုတင်ထားတာ ဖြစ်ပါတယ်။ ဒါကတော့နေမကောင်းဖြစ်နေတဲ့ သမီးလေးကို အဖော်ပြုပေးရင်း ပျော်ရွှင်စရာကောင်းတဲ့အချိန်လေးတွေ ဖန်တီးပေးနေတာ ဖြစ်ပါတယ်။ ပရိသတ်တွေကို သမီးလေးသီချင်းဆိုတာ နားထောင်စေချင်သော်လည်း ဖျားနေတာကြောင့် နေပြန်ကောင်းမှသာ နားဆင်ပေးကြဖို့ တောင်းပန်စကားဆိုထားသေးတာ ဖြစ်ပါတယ်။ ထူးအယ်လင်းတို့ သားအဖနှစ်ယောက်ရဲ့ ဗီဒီယိုဖိုင်လေးကို ပရိသတ်တွေ ကြည့်ရှုအားပေးနိုင်အောင် ဝေမျှပေးလိုက်ပါတယ်နော်။
Source and Photo Crd- Htoo El Lynn’s Facebook Account