ပရဟိတအလုပ်တွေကို ကြိုးစားပမ်းစား လုပ်ကိုင်နေပြီး ပြည်သူတွေရဲ့ လိုအပ်ချက်တွေကို တစ်ဖက်တစ်လမ်းကနေ ကူညီပေးနေသူကတော့ သရုပ်ဆောင် ခိုင်နှင်းဝေပဲ ဖြစ်ပါတယ်။ သူမကတော့ ခိုင်နှင်းဝေရင်သွေးလေးများဂေဟာကို တည်ထောင်ထားပြီး စွန့်ပစ်ခံထားရတဲ့ လူမမယ်ကလေးတွေကို မိခင်ရင်းပမာ ပြုစုစောင့်ရှောက်ပေးနေတာလည်း ဖြစ်ပါတယ်။ ဘာသာရေးလည်း ကိုင်းရှိုင်းသူဖြစ်ပြီး ဘုရားရှိခိုးတိုင်းလည်း မြန်မာပြည်ကြီး အမြန်ဆုံးအေးချမ်းပါစေလို့ ဆုတောင်းပေးနေတာ ဖြစ်ပါတယ်။
လတ်တလောအခြေအနေများကြောင့် စားဝတ်နေရေး ခက်ခဲနေကြတဲ့ ပြည်သူတွေထံသို့ သွားရောက်ကာစားသောက်ကုန်ပစ္စည်းတွေကို သွားရောက်လှူဒါန်းပေးနေတာလည်း ဖြစ်ပါတယ်။ ဂေဟာသို့ လှူဒါန်းပေးကြတဲ့ကလေးအသုံးအဆောင် ပစ္စည်းတွေကိုလည်း သူမထံ အကူအညီလာတောင်းတဲ့ ကလေးမိခင်များအား ပြန်လည်ထောက်ပံ့ပေးနေတာကို ကြည်နူးဖွယ် မြင်တွေ့ကြရမှာပါ။ မကြာသေးခင် ရက်ပိုင်းလောက်ကလည်း မွေးရာပါလမ်းမလျှောက်နိုင်တဲ့ ကလေးတစ်ဦးအား ခြေတုလှူဒါန်းပေးထားတာ ဖြစ်ပါတယ်။
မကြာသေးခင် နာရီပိုင်းလောက်ကလည်း ခိုင်နှင်းဝေရဲ့ လူမှုကွန်ယက်စာမျက်နှာတွင် သူမလှူဒါန်းထားတဲ့ ခြေတုအား အကြမ်းစီးကာ လမ်းလျှောက်စမ်းနေသော သားလေးရဲ့ပုံတွေကို ကြည့်ပြီး ပီတိဖြစ်နေအကြောင်းကိုရေးသားထားတာ ဖြစ်ပါတယ်။ " အကြမ်းစီးပြီး လမ်းလျှောက်စမ်းရင်း ပျော်နေတဲ့ သားလေးပုံလေးတွေ ပို့လာတော့ ပီတိဖြစ်ရပါတယ်ရှင်...လမ်းလျှောက်လို့ရ ကျောင်းလည်း တက်လို့ရတော့မှာမို့ ပျော်နေကြောင်းလေး ပို့လာတဲ့ အတွက် ဝမ်းသာမိပါတယ်...သက်ရှည် ကျန်းမာပြီး ပညာတတ်ကြီး ဖြစ်ပါစေ ..မိဘ ကျေးဇူး ပြန်ဆပ်နိုင်ပါစေသားရေ..❤️❤️..." ဆိုပြီး ပြန်လည်ဝေမျှ ပေးထားတာ ဖြစ်ပါတယ်။ အများအတွက် ကိုယ်ကျိုးစွန့်ကာ ပရဟိတအလုပ်တွေကိုလုပ်ကိုင်နေတဲ့ ခိုင်နှင်းဝေရဲ့စိတ်ထားကိုတော့ မလေးစားဘဲ မနေနိုင်ပါဘူးနော်။
ပြည်သူ့အကျိုးပြုလုပ်ငန်းတွေ ဒီ့ထက်မက ပိုမိုလုပ်ကိုင်နိုင်ပါစေလို့ ဆုတောင်းပေးလိုက် ရပါတယ်။
Source and Photo Crd-Khine Hnin Wai’s Facebook Page