ဖယောင်းတိုင်မီးများထွန်းကာ မိမိတို့ဆန္ဒတွေကို ပုံဖော်ပြသရင်း ငြိမ်းချမ်းစွာ လှုပ်ရှားခဲ့ကြတဲ့ ကျောက်ပန်းတောင်းကပြည်သူများ

ယခုလိုအချိန်ကာလမှာတော့ မြန်မာနိုင်ငံပြည်တွင်း ပြည်ပမှာနေထိုင်ကြတဲ့ လူမျိုးဘာသာမရွေး လူကြီး၊လူငယ်ပေါင်းစုံက ကိုယ့်တိုင်းပြည်အတွက် တစ်ထောင့်တစ်နေရာကနေ အားသွန်ခွန်စိုက်ကြိုးစားနေကြတာဖြစ်ပါတယ်။ပြည်သူလူထုကလည်း မလျော့သောဇွဲ၊ သတ္တိတို့နဲ့ ရင်ဆိုင်လာကြတာ ဒီနွေဦးတော်လှန်ရေးကြီးဟာ  (၃) လပြည့်သွားပြီလည်းဖြစ်ပါတယ်။ဒီလို အချိန်ကာလတွေမှာလည်း ပြည်သူ​တွေက တစ်ယောက်ကိုတစ်ယောက် လိုအပ်တာတွေကို ကူညီဖေးမရင်း ယုံကြည်ချက်တွေအတွက် ရှေ့ဆက်နေကြတာလည်းဖြစ်ပါတယ်။

နွေဦးတော်လှန်ရေးကြီးက အရင်လိုငြိမ်းချမ်းစွာ ဆန္ဒထုတ်ဖော်ရန် နေရာတိုင်းမှာမလွယ်ကူတာကြောင့် ခုဆိုရင် မိမိတို့နေထိုင်ရာ ပတ်ဝန်းကျင်မှာပဲ Strike လုပ်နိုင်မယ့် နည်းလမ်းတွေကိုစဉ်းစားကာ ဆန္ဒထုတ်ဖော်လျက်ရှိပါတယ်။အပြင်ထွက်နိုင်သူတွေကလည်း ပြောက်ကျားသပိတ်လှုပ်ရှားမှုတွေကို ပြုလုပ်ကာ အချိန်နေရာဒေသမရွေး ရသလို ဆန္ဒထုတ်ဖော်နေကြတာကိုလည်း လေးစားစွာတွေ့မြင်ရပါတယ်။

နေရာအသီးသီးမှာ ပုံသဏ္ဌာန်မျိုးစုံ ဆန္ဒထုတ်ဖော်လျက်ရှိရာ ကျောက်ပန်းတောင်းမြို့မှာဆိုရင်လည်း မေလ (၅) ရက်နေ့ညပိုင်းမှာ ဖယောင်းတိုင်မီးများနဲ့ မိမိတို့ ဆန္ဒတွေကို ဖန်တီးပုံဖော်ပြသရင်း ငြိမ်းချမ်းစွာဆန္ဒထုတ်ဖော်ခဲ့ကြပါတယ်။ဒါ့အပြင် ကျောက်ပန်းတောင်းကပြည်သူတွေဟာ အခြားလှုပ်ရှားမှုတွေကိုလည်း အင်တိုက်အားတိုက်နေ့ရက်တိုင်းပြုလုပ်လျက်ရှိတာလည်းတွေ့ရပါတယ်။ပရိသတ်ကြီးအတွက် ကျောက်ပန်းတောင်းမြို့က ပြည်သူတွေရဲ့ ဖယောင်းတိုင်းများထွန်းကာ ဆန္ဒထုတ်ဖော်ခဲ့ပုံတွေကို မျှဝေပေးလိုက်ပါတယ်။