ပရဟိတလုပ်ငန်းတွေကို အင်တိုက်အားတိုက် ကြိုးစားလုပ်ဆောင်ရင်း ပြည်သူတွေလိုအပ်တာကို တတ်နိုင်သလောက် ဖြည့်ဆည်းပေးနေသူကတော့ သရုပ်ဆောင် ခိုင်နှင်းဝေ ဖြစ်ပါတယ်။ ခိုင်နှင်းဝေရင်သွေးလေးများဂေဟာကိုလည်း တည်ထောင်ထားပြီး စွန့်ပစ်ခံထားရတဲ့ လူမမယ်ကလေးတွေကို ပြုစုစောင့်ရှောက်ပေးနေတာ ဖြစ်ပါတယ်။ ခိုင်နှင်းဝေရဲ့ပရဟိတစိတ်ဓာတ်ကိုလေးစားကြသူတိုင်းကလည်း သူမတည်ထောင်ထားတဲ့ ဖောင်ဒေးရှင်းသို့ သွားရောက်ပြီး အလှူငွေများ ထည့်ဝင်လှူဒါန်းပေးနေကြတာ ဖြစ်ပါတယ်။
အားလပ်ရက်တိုင်းမှာလည်း ဂေဟာမှကလေးတွေနဲ့အတူ တန်ဖိုးရှိတဲ့အချိန်လေးတွေ ဖြတ်သန်းကုန်ဆုံးလေ့ရှိတာ ဖြစ်ပါတယ်။ ကလေးတွေရဲ့ လှုပ်ရှားမှုတိုင်းကိုလည်း သူမရဲ့ လူမှုကွန်ယက်များမှတစ်ဆင့် ဝေမျှပေးနေတာကြောင့် ပရိသတ်တွေအားလုံးက ချစ်မဝ ဖြစ်နေကြတာပါ။ မနေ့ညကလည်း ခိုင်နှင်းဝေရဲ့ Facebook Page တွင်မိခင်ရင်းသဖွယ် ပြုစုစောင့်ရှောက်ထားသော ကလေးတွေရဲ့အပြုအမူတစ်ခုချင်းစီတိုင်းကို ချစ်နေရတယ်ဆိုတဲ့အကြောင်းလေးကို ရေးသားပြောပြလာတာ ဖြစ်ပါတယ်။
" သူတို့လေးတွေရဲ့ အပြုအမူတွေက တစ်ခုချင်း ချစ်နေရပါတယ်..အပြစ်ကင်းစင်တဲ့ ကလေးတွေ မသိနားမလည်တဲ့ ကလေးလေးတွေ...အနာဂတ်မှာ ထွန်းလင်းတောက်ပတဲ့ သူလေးတွေ ဖြစ်ကြပါစေကွယ်..❤️❤️..." ဆိုပြီးကလေးတွေအတွက် ဆုတောင်းပေးထားပါသေးတယ်။ အများပြည်သူအတွက် ကိုယ်ကျိုးစွန့်ကာ ပရဟိတအလုပ်တွေကိုလုပ်ကိုင်နေတဲ့ ခိုင်နှင်းဝေရဲ့စိတ်ထားကိုတော့ မလေးစားဘဲ မနေနိုင်ပါဘူးနော်။ အနုပညာလောကမှာလည်း အမြဲအောင်မြင်မှုတွေရရှိပြီး ဘာသာ၊သာသနာအကျိုးကို ထမ်းပိုးဆောင်ရွက်နိုင်သူဖြစ်ပါစေလို့ဆုတောင်းပေးလိုက်ရပါတယ်။
Source and Photo Crd-Khine Hnin Wai’s Facebook Page