သီချင်း မြူးမြူးလေးတွေ သီဆိုကာ ပရိသတ်တွေရဲ့ တစ်ခဲနက် နှစ်သက်အားပေးမှုကို ရရှိပိုင်ဆိုင်ထားသူကတော့ အဆိုတော် ရှိုင်း ဖြစ်ပါတယ်။ ဂီတလောကထဲသို့ ရောက်ရှိလာတာ သိပ်မကြာသေးပေမယ့် အချိန်တိုအတွင်း အောင်မြင်မှုတွေ ရရှိလာသူ ဖြစ်ပါတယ်။ ရှိုင်းကတော့ ရခိုင်လူမျိုးတစ်ယောက်ဖြစ်ပြီး သူ့နေထိုင်တဲ့မွေးရပ်မြေတိုးတက်ဖွံ့ဖြိုးအောင် တတ်နိုင်တဲ့ဘက်ကနေ ကူညီဆောင်ရွက်ပေးနေသူ ဖြစ်ပါတယ်။
သူ့ရဲ့ ချွေးနည်းစာငွေများဖြင့်လည်း စားဝတ်နေရေးခက်ခဲနေသော ပြည်သူတွေကို ထောက်ပံ့ပေးနေတာပါ။ ဒါ့အပြင် မိတ်ဆွေများစုပေါင်းကောက်ခံရရှိထားတဲ့ အလှူငွေများအား ရခိုင်ပြည်နယ်မှာရှိတဲ့ တိမ်ညိုစစ်ဘေးရှောင်စခန်းမှ မီးဘေးသင့်ပြည်သူများထံ ကိုယ်တိုင်သွားရောက် လှူဒါန်းပေးခဲ့သူပါ။ သူ့ရဲ့ လှူဒါန်းမှုအစုစုကိုလည်း လူမှုကွန်ယက်တွင် ဝေမျှပေးတတ်သူပါ။
လတ်တလော သူ့ရဲ့ လှုပ်ရှားမှုတွေကို ဆိုရှယ်မီဒီယာထက်မှာ မမြင်တွေ့ရတာကြောင့် ပရိသတ်တွေက ရှိုင်းရဲ့လုံခြုံရေးအတွက် စိတ်ပူနေကြတာပါ။မကြာသေးခင် နာရီပိုင်းလောက်ကလည်း သူ့ရဲ့ Facebook Page တွင်ပရိသတ်တွေ စိတ်မပူစေဖို့ သူ့ရဲ့ ပုံရိပ်တွေကို အမောပြေတင်ပေးလာပြီး လက်ရှိလုပ်ဆောင်ချက်တွေကိုပါ ပြောပြလာတာပါ။ရှိုင်းကလည်း " ဘာမှ မလုပ်တာ မဟုတ်ဘူး . . .
ဘာလုပ်နေတယ်ဆိုတာ ပေးမသိတာ . . .
ဘာလို့လဲ ? ? ?
အပေါ်က နှစ်ကြောင်းမှာ ရှင်းနေအောင် ပြောပြီးပြီ . . .
ဒီလောက်ပဲ . . .
#Mg_Tout_Pa" ဆိုပြီး ရေးသားထားတာ ဖြစ်ပြီး ပရိသတ်တွေအတွက် ဒီသတင်းကို တစ်ဆင့်ပြန်လည် ကူးယူတင်ဆက်ပေးလိုက် ရပါတယ်နော်။
Source and Photo Crd-Shine’s Facebook Page