မြန်မာနိုင်ငံရဲ့ လတ်တလောအခြေအနေတွေကြောင့် အနယ်အနယ်အရပ်ရပ်က ပြည်သူတွေဟာ အလုပ်အကိုင်တွေကိုလည်း ရပ်နားထားရကာ စီးပွားကျပ်တည်းမှုတွေနဲ့ ရင်ဆိုင်နေရတာဖြစ်ပါတယ်။ဒီလိုအချိန်တွေမှာ စားဝတ်နေရေး အခက်အခဲဖြစ်နေတဲ့ ပြည်သူတွေကို ပိုလျှံတဲ့ ပြည်သူတွေကပဲ တတ်နိုင်သလောက် လိုအပ်တဲ့ အစားအစာနဲ့ အလှူငွေများကို လှူဒါန်းမှုတွေပြုလုပ်ပေးကာ အချင်းချင်းကူညီဖေးမနေကြတာပါ။
အခုဆိုရင် ရန်ကုန် မန္တလေးအပါအဝင် အခြားမြို့ကြီးတွေမှာလည်း ပိုရင်လှူ လိုရင်ယူဆိုတဲ့ အစီအစဉ်လေးကို ပြုလုပ်လာကြတာကိုတွေ့ရပါတယ်။လိုအပ်သူများကလည်း လာရောက်ယူဆောင်ကြသလို အလှူရှင်များကလည်း ရက်ရက်ရောရော လှူဒါန်းလျက်ရှိတာကို ကြည်နူးပီတိဖြစ်စွာမြင်တွေ့ရပါတယ်။နယ်ဘက်တွေမှာဆိုရင်လည်း ခရီးသွားလာသူတွေနည်းပါးတာကြောင့် ဒေသခံတွေဟာ အဆင်မပြေမှုတွေနဲ့ရင်ဆိုင်နေရပါတယ်။
ပုဂံမြို့မှာဆိုရင်လည်း လာရောက်လည်ပတ်သူတွေ မရှိတာကြောင့် စားဝတ်နေရေး ကြပ်တည်းနေတဲ့ပြည်သူများအတွက်" ပိုလျှံသူများ၏စေတနာဆိုတဲ့ "အစီအစဉ်လေးကို ပြုလုပ်ကာ အခြေခံစားသောက်ကုန်များစွာကို ဝေငှလှူဒါန်းလျက်ရှိတာတွေ့ရပါတယ်။ဒါ့အပြင် မိသားစု (၃၀၀) ဝန်းကျင်စာ အဓိကလှူဒါန်းဖို့ရည်ရွယ်ထားကြောင်းကိုလည်းဖော်ပြထားပါသေးတယ်။ ပရိသတ်ကြီးအတွက် ပုဂံမြို့ရဲ့ အလှူပုံရိပ်တွေကို မျှဝေပေးရင်း မြန်မာပြည်ကြီး အေးချမ်းပါစေ ဆုတောင်းပေးလိုက်ပါတယ်။
Bong I.T