ဖမ်းဆီးထိန်းသိမ်းခံထားရတဲ့ အူဝဲအား သူမရဲ့မိသားစုဝင်တွေနဲ့ အမြန်ဆုံး ပြန်လည်ဆုံဆည်းဖို့ ဆုတောင်းနေတဲ့ ခိုင်သင်းကြည်

သရုပ်ဆောင်  အိန္ဒြာကျော်ဇင်ကတော့  မြန်မာနိုင်ငံတွင်  လက်ရှိဖြစ်ပေါ်နေတဲ့  လူထုလှုပ်ရှားမှုတွေမှာ တက်ကြွစွာ  ပါဝင်ခဲ့သူ  ဖြစ်ပါတယ်။  ပြည်သူတွေနဲ့အတူ  တစ်သွေးတည်း တစ်သားတည်း ရပ်တည်ခဲ့တာကြောင့်  ပရိသတ်တွေက အူဝဲအတွက်  လေးစားဂုဏ်ယူနေကြတာ  ဖြစ်ပါတယ်။  လူထုလှုပ်ရှားမှုတွေမှာ ပါဝင်ခဲ့တာကြောင့် သူမကိုပုဒ်မ ၅၀၅ (က) ဖြင့် တရားစွဲဆိုခဲ့ပြီး မကြာခင်မှာဘဲ နေအိမ်တွင်  ဖမ်းဆီးထိန်းသိမ်းခံခဲ့ရတာ  ဖြစ်ပါတယ်။

သူမကို ချစ်ခင်ကြတဲ့  တစ်နိုင်ငံလုံးက ပရိသတ်များနဲ့  အနုပညာလောကမှ ညီအစ်ကိုမောင်နှမများကလည်း  အူဝဲရဲ့ သတင်းကို ကြားကြားချင်း စိတ်မကောင်း  ဖြစ်ခဲ့ကြတာပါ။  မနက်ဖြန်ဆိုရင်  အူဝဲရဲ့ မွေးနေ့ရက်မြတ်ဖြစ်ပါတယ်။ သူမကိုချစ်ကြသူများမှ  ဒီနေ့ကတည်းကနေ အကြိုမွေးနေ့ဆုတောင်းပေးနေကြတာ ဖြစ်ပါတယ်။  မကြာသေးခင် မိနစ်ပိုင်းလောက်ကလည်း  မင်းသမီး ခိုင်သင်းကြည်ရဲ့ Facebook Story တွင် ပုံလေးတစ်ပုံ တင်ထားတာ ဖြစ်ပါတယ်။

ဒါကတော့  ဖမ်းဆီးခံထားရတဲ့ အူဝဲအား သတိရနေပြီး မိသားစုတွေ အမြန်ဆုံး ပြန်လည်ဆုံဆည်းဖို့ ဆုတောင်းပေးနေတာ  ဖြစ်ပါတယ်။  သူမကလည်း " မနက်ဖြန်ဆို မွေးနေ့ရောက်ပြီ အူဝဲရေ..အရမ်းသတိရတယ်  ကလေးတွေနဲ့အမြန်ဆုံး ပြန်ဆုံဆည်းနိုင်ပါစေ " ဆိုပြီး ရေးသားထားတာပဲ  ဖြစ်ပြီး ပရိသတ်တွေအတွက် ဒီသတင်းကို တစ်ဆင့်ပြန်လည်  ကူးယူတင်ဆက်ပေးလိုက်ရပါတယ်နော်။

Source and Photo Crd-Eaindra Kyaw Zin’s and Khine Thin Kyi’s Facebook Page