မြန်မာနိုင်ငံရဲ့ လူထုလှုပ်ရှားမှုကြီးကတော့ ဒီနေ့ထိအသက်ဝင်နေဆဲပါ ပြည်သူအားလုံးကလည်း တစ်ရက်လေးမှမနားဘဲ နေ့စဉ်တိုင်းလိုလို ရရာနေရာကနေ ဆန္ဒထုတ်ဖော်မှုတွေ မျိုးစုံပြုလုပ်လျက်ရှိတာတွေ့ရပါတယ်။ခုဆိုရင် အနယ်နယ်အရပ်ရပ်က တိုင်းရင်းသားလူမျိုးစုံပါ ပါဝင်လာခဲ့ပြီး စည်းလုံးညီညွတ်စွာ လှုပ်ရှားမှုတွေ မျိုးစုံကိုပြုလုပ်လျက်ရှိပါတယ်။
လူငယ်တွေအားလုံးကလည်း မြန်မာနိုင်ငံမှာဖြစ်ပေါ်နေတဲ့ အခြေအနေတွေကို နိုင်ငံတကာက သတင်းမီဒီယာတွေ စိတ်ဝင်စားလာအောင် နည်းမျိုးစုံတီထွင်ပြီး လုပ်ဆောင်နေကြတာလည်း ဖြစ်ပါတယ်။ ခုဆိုရင် မြို့တိုင်းမှာ ဖိနှိပ်ဖြိုခွဲခံရမှုတွေရှိနေတာကြောင့် ဆန္ဒထုတ်ဖော်မှုတွေဟာ အရင်ထက်နည်းပါးလာပြီဆိုပေမယ့်လည်း ပြည်သူတွေကတော့ တတ်နိုင်တဲ့ဘက်ကနေ ဆန္ဒထုတ်ဖော်နေကြဆဲ ဖြစ်ပါတယ်။
ဒီနေ့မန္တလေးမှာဆိုရင်လည်း GenXYZ တွေစုပေါင်းပြီး ဆိုင်းဘုတ်များကိုင်ဆောင်ကာ တပ်ပေါင်းစုသပိတ်ကြီးကို လှုပ်ရှားမှုပြုလုပ်ခဲ့ကြတာတွေ့ရပါတယ်။မန္တလေး တပ်ပေါင်းစုသပိတ်ကြီးမှာ လူငယ်တွေက ငြိမ်းချမ်းစွာ ဆန္ဒထုတ်ဖော်ခဲ့ကြပေမယ့်လည်း ဖြိုခွင်းခံရမှုတွေရှိသလို ပိတ်မိနေသူတွေလည်းရှိနေတယ်လို့ဖော်ပြထားတာတွေ့ရပါတယ်။ပရိသတ်ကြီးအတွက် မန္တလေးတပ်ပေါင်းစုသပိတ်က ပုံရိပ်လေးတွေကိုပြန်လည်ဝေမျှပေးရင်း အားလုံးဘေးကင်းစွာ အိမ်ပြန်ရောက်ကြပါစေ ဆုတောင်းပေးလိုက်ပါတယ်။