ပရိသတ်တွေရဲ့အားပေးချစ်ခင်မှုကိုအခိုင်အမာရရှိထားတဲ့ ရေဗက္ကာဝင်းကတော့ ဒီရက်ပိုင်းတွေမှာတောက်လျှောက် လှူဒါန်းမှုတွေမျိုးစုံပြုလုပ်ပေးနေတာကိုတွေ့မြင်ရပါတယ်။ခုလတ်တလောအခြေအနေတွေကြောင့် စားဝတ်နေရေး အခက်အခဲတွေနဲ့ရင်ဆိုင်နေရတဲ့ ပြည်သူတွေအတွက်လည်း အစားအသောက်များနဲ့ လိုအပ်တာများ လှူဒါန်းကာ ရရာနေရာကနေ ပါဝင်ကူညီအားဖြည့်ပေးနေတာဖြစ်ပါတယ်။

Photo Credit : Rebecca Win Facebook Account
Photo Credit : Rebecca Win Facebook Account

ဒီလိုကာလတွေမှာ ပြည်သူတွေဟာ အလုပ်အကိုင်များကို အလွယ်တကူမလုပ်ကိုင်နိုင်တာကြောင့် စားဝတ်နေရေး အခက်အခဲတွေကို ကြုံတွေ့နေရတာလည်းဖြစ်ပါတယ်။ ဒီလိုအဆင်မပြေမှုတွေကို အနုပညာရှင်တွေအပါအဝင် ပြည်သူအချင်းချင်းကပဲ တတ်နိုင်သလောက် ကူညီဖေးမရင်း အပြန်အလှန်ကူညီနေကြတာလည်းဖြစ်ပါတယ်။ဒါ့အပြင်တစ်ချို့နေရာတွေမှာဆိုရင်လည်း ပိုရင်လှူ လိုရင်ယူဆိုတဲ့ အစီအစဉ်လေးကို ပြုလုပ်လာကြတာကိုလည်းတွေ့မြင်ရပါတယ်။

Photo Credit : Rebecca Win Facebook Account
Photo Credit : Rebecca Win Facebook Account

ဒီနေ့မှာဆိုရင်လည်း ရေဗက္ကာဝင်းက ခင်မင်ရတဲ့ မိတ်ဆွေတွေနဲ့ စုပေါင်းပြီး လိုအပ်နေတဲ့ ပြည်သူတွေအတွက် စားနပ်ရိက္ခာများကို လှူဒါန်းဖြစ်ခဲ့ကြောင်း အလှူပုံလေးတွေနဲ့တကွ " မြန်မာနှစ်သစ်ကူးအလှူအဖြစ် အနုပညာပိုးသဘက် Shingni Nbat ( မြစ်ကြီးနား ) ပထမမြန်မာနှစ်ခြင်းအသင်းတော် (ဆန်ဖရန်စ္စကို) Nestle Myanmar တို့နဲ့အတူ အိမ်ထောင်စု ၁၀၀စာ အတွက် ပေါ်ဆန်းမွှေး ၃ပြည် နေကြာဆီ ၁လီတာ ပဲနီလေး ကြက်သွန်နီတစ်ပိသာကြက်သွန်ဖြူမှုန့်ဂျင်းမှုန့်ပဲကြာဇံ Maggi စွယ်စုံသုံးဟင်းခတ်မှုန့် တို့ကို လိုအပ်နေတဲ့ လှိုင်သာယာနဲ့ ရွှေပြည်သာမှ ပြည်သူများအတွက် ပေးလှူခဲ့ပါတယ်ရှင် "ဆိုပြီးရေးသားဖော်ပြထား ရာ ပရိသတ်ကြီးလည်း သာဓုခေါ်နိုင်စေရန် ပြန်လည်ဖော်ပြပေးလိုက်ပါတယ်။ 

Photo Credit : Rebecca Win Facebook Account
Source & Photo Credit : Rebecca Win Facebook Account

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။