ခုဆိုရင် မြန်မာနိုင်ငံနေရာအရပ်ရပ်မှာနေထိုင်ကြတဲ့ ပြည်သူအားလုံးဟာ စည်းစည်းလုံးလုံးနဲ့ ရရာနေရာကနေ နည်းမျိုးစုံကို အသုံးချကာ ဆန္ဒထုတ်ဖော်မှုတွေကို ငြိမ်းချမ်းစွာပြုလုပ်လျက်ရှိတာကို တွေ့မြင်ရပါတယ်။ဒီလှုပ်ရှားမှုတွေမှာ အဓိကပါဝင်ကြတဲ့ လူငယ်မျိုးဆက်သစ်လေးတွေရဲ့ တီထွင်နိုင်မှုတွေကလည်း တကယ်ကို လေးစားစရာကောင်းလွန်းတာ အမှန်ပါပဲ။

Photo Credit: Original Uploder 
Photo Credit: Original Uploder 

ဒီလို ဆန်းသစ်တဲ့ နည်းမျိုးစုံကို အသုံးချကာ ဆန္ဒထုတ်ဖော်မှုမြင်ကွင်းတွေကပဲ ကမ္ဘာတစ်ဝှမ်းလုံးရဲ့ သတင်းတွေထိ ရောက်ရှိခဲ့တာလည်းဖြစ်သလို အားလုံးကလည်း ချီးကျူးခဲ့ကြတာပါ။ဒီလိုလှုပ်ရှားမှုတွေကိုလည်း အပစ်အခတ်တွေ အန္တရာယ်တွေကြားကနေပဲ ခက်ခက်ခဲခဲလှုပ်ရှားနေကြရသလို အသက်ပေးသွားရတဲ့ သူရဲကောင်းတွေလည်း ခုဆိုများစွာထွက်ပေါ်ခဲ့တာကိုလည်း နှမျောတသ စိတ်မကောင်းဖြစ်မိတာအမှန်ပါပဲ။

Photo Credit: Original Uploder 
Photo Credit: Original Uploder 

ဒါပေမယ့်လည်း ပြည်သူအားလုံးက လက်မလျော့သွားဘဲ ယုံကြည်ချက်တွေအတွက် ရှေ့ဆက်တိုးနေကြတာလည်းဖြစ်ပါတယ်။ဒီနေ့မှာလည်း ရှမ်းပြည်နယ် တောင်ကြီးက လူငယ်တွေစုပေါင်းပြီး မိမိတို့ရင်ထဲက ဆန္ဒတွေကို စာရွက်ပေါ်မှာ ထုတ်ဖော်ရေးသားကာ ခြံတွေရဲ့ နံရံအနှံအပြားမှာကပ်ရင်း စာရွက်ကပ်လှုပ်ရှားမှုလေးကို ငြိမ်းချမ်းစွာပြုလုပ်ခဲ့ကြတာကိုတွေ့မြင်ရပါတယ်။ပရိသတ်ကြီးအတွက် စာရွက်ကပ်လှုပ်ရှားမှုကပုံရိပ်လေးတွေကို မျှဝေပေးရင် ပြည်သူအားလုံး ဘေးကင်းကြပါစေ ဆုတောင်းပေးလိုက်ပါတယ်။

Photo Credit: Original Uploder 
Source&Photo Credit: Original Uploder 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။