ကောင်းကျော်ကတော့ ပရိသတ်တွေကို ဟာသပြက်လုံးတွေနဲ့ ရယ်မောပျော်ရွှင်အောင် လုပ်ပေးနေတဲ့ လူရွှင်တော်တစ်ဦး ဖြစ်ပါတယ်။ ဒါ့အပြင် ဟာသသရုပ်ဆောင် အနေနဲ့ပါ ရုပ်ရှင်နဲ့ ဗီဒီယိုဇာတ်ကားများတွင်လည်း ပါဝင်ရိုက်ကူးခဲ့သူလည်း ဖြစ်ပါတယ်။ ပြည်သူတွေနဲ့ တစ်သွေးတည်း တစ်သားတည်း ရပ်တည်ပေးလျက်ရှိနေတဲ့ လူရွှင်တော်ကောင်းကျော်ကို ပရိသတ်တွေအားလုံးကလည်း လေးစားနေကြတာပါ။
လတ်တလော အခြေအနေတွေကြောင့် ပြည်သူတွေသာမကဘဲ အချို့အနုပညာရှင်များလည်း စားဝတ်နေရေးကြပ်တည်းတဲ့ ဒဏ်ကို ခံနေကြရတာပါ။ ပြည်သူအချင်းချင်းကပဲ ဒီအခက်အခဲတွေ ဝိုင်းဝန်းကူညီဖြေရှင်းပေးနေကြတာကို မြင်တွေ့ရသည်မှာ ကြည်နူးဝမ်းမြောက်စရာပါပဲနော်။ မကြာသေးခင် နာရီပိုင်းလောက်ကလည်း ကောင်းကျော်ရဲ့ လူမှုကွန်ယက်စာမျက်နှာတွင် ဝင်ငွေလုံးဝမရှိဘဲ စီးပွားရေးအဆင်မပြေပေမယ့်လည်း လိပ်ပြာလုံစွာ နေထိုင်နိုင်ကြောင်း ရေးသားထားတာပဲ ဖြစ်ပါတယ်။
သူကလည်း " မိသားစုအတွက်
ဝင်ငွေလုံးဝမရှိ
ထွက်ငွေသာရှိပြီး
အခက်ခဲ အကြပ်အတည်း
ပေါင်းများစွာဖြင့် အများနည်းတူ
ရုန်းကန်ဖြတ်သန်း နေရသော်လည်း
ငါ့လိပ်ပြာလေး လုံခြုံလျက်ရှိနေပါသည်။ " ဆိုပြီး ရေးသားထားတာပဲ ဖြစ်ပြီး ပရိသတ်တွေအတွက် ဒီသတင်းကိုတစ်ဆင့်ပြန်လည် ကူးယူတင်ဆက်ပေးလိုက်ရပါတယ်နော်။
Source and Photo Crd-U Kaung Kyaw’s Facebook Account