ဒီကနေ့ ဧပြီလ ၁ရက်နေ့ မနက် ၂နာရီ ဝန်းကျင်မှာ ရန်ကုန်မြို့ရှိ ကုန်တိုက်ကြီးနှစ်ခု မီး​လောင်မှုဖြစ်ပွား

မြန်မာနိုင်ငံအတွင်း ဖေဖော်ဝါရီလ အစကတည်းက ပြောင်းလဲဖြစ်ပေါ်ခဲ့တဲ့ အခြေအနေတွေက ယနေ့အပါအဝင် ရက်ပေါင်း ၆၀ကြာရှိခဲ့ပြီပဲ ဖြစ်ပါတယ်။ ယခုလို အခြေအနေတွေကြောင့် ပြည်သူလူထုတွေ စိုးရိမ်ထိတ်လန့်ခဲ့ရပြီး ပျက်စီးဆုံးရှုံးမှုတွေလည်းများစွာ ရှိခဲ့ကြတာပါ။ ဒီကနေ့ ဧပြီလ ၁ရက်နေ့မှာတော့ ရန်ကုန်မြို့ရှိ ကုန်တိုက်ကြီးနှစ်ခု မီးလောင်မှုဖြစ်ပွားခဲ့ပါတယ်။ 

ဧပြီလ ၁ရက်နေ့ မနက် ၂နာရီဝန်းကျင်မှာ ဖြစ်ပွားခဲ့တာဖြစ်ပြီး ရန်ကုန်မြို့ ၃၇ လမ်း ပန်းဆိုးတန်းလမ်းနှင့် ဗိုလ်ချုပ်လမ်း​ထောင့်ရှိ Ruby Mart ကုန်တိုက် နဲ့ မရမ်းကုန်းမြို့နယ် ဂန္ဓမာလမ်းနှင့် ​ဝေဇယန္တာလမ်း​ထောင့်ရှိ Gandamar Whole Sale ကုန်တိုက်ဟာ တစ်ချိန်ထဲမှာပဲ မီး​လောင်ကျွမ်းခံခဲ့ရတာဖြစ်ပါတယ်။

အခုလို ကုန်တိုက်ကြီးနှစ်ခု မီး​လောင်တဲ့ အချိန်​ဟာ ပြည်သူလူထုကို ညမထွက်ရအမိန့်ထုတ်ပြန်ထားတဲ့အချိန်​တွေမှာ လောင်ကျွမ်းတာဖြစ်ပါတယ်။ မီးစတင်​လောင်ကျွမ်းရတဲ့အ​ကြောင်းကို​တော့ ယခုအချိန်ထိ မသိရသေးဘဲ စုံစမ်းစစ်ဆေးနေဆဲပဲ ဖြစ်ပါတယ် ။ အခုလို Ruby Mart နှင့် Gandamar Wholesale မီး​လောင်မှုဖြစ်ပွားခဲ့တဲ့ ပုံရိပ်တွေကို ပရိသတ်တွေထံ ဖော်ပြပေးလိုက်ပါတယ်။ 

သတင်း အရင်းအမြစ်៖ Source & Photo credit - Original Uploader