စမ်းချောင်း မြို့နယ်အတွင်းမှာတော့ ဒီကနေ့ မတ်လ ၂၀ ရက်နေ့ မနက်ပိုင်းလောက်ထဲက ရဲတပ်ဖွဲ့ဝင်တွေ ရောက်ရှိနေတာကိုတွေ့ရပါတယ်။
အရင်နေ့တွေက အကာအရံတံတိုင်းတွေများစွာတွေ့ရတဲ့ ကျွန်းတောလမ်းနဲ့ ဗဟိုလမ်းမပေါ်မှာဆိုရင်လည်း ပြည်သူတွေ ပြုလုပ်ထားတဲ့ အကာအရံတံတိုင်းတွေ ဘာမှမရှိတော့တာကို တွေ့ရပါတယ်။
မနေ့က နေ့လည်ပိုင်းလောက်တုန်းကဆိုရင်လည်း ဆန္ဒပြပြည်သူတွေကို ဖြိုခွဲပီးနောက်မှာ လမ်းမှာကာရံထားတဲ့ တံတိုင်းတွေဟာ ဖျက်ဆီးခံခဲ့ရတယ်လို့ သိရပါတယ်။
ဒါ့အပြင် သဲအိတ်တွေကိုလည်း ကားပေါ်တင်ယူဆောင်သွားခဲ့ပြီး အဲ့အချိန်ထဲက အကာအရံတံတိုင်းတွေ ပြန်လုပ်လို့ မရတော့ဘူးလို့ သိရပါတယ်။
စမ်းချောင်းမြို့နယ်အတွင်းက နေရာအချို့မှာဆိုရင်လည်း ဒီကနေ့မနက်ပိုင်းလောက်ထဲက ရဲတပ်ဖွဲ့ဝင်တွေ ရောက်ရှိနေတာကြောင့် ဆန္ဒထုတ်ဖော်ဖို့အတွက် လူစုလို့မရဘူးလို့ သိရပါတယ်။
ဒါ့အပြင် အရင်က အကာအရံတံတိုင်းတွေ ပြုလုပ်ထားတဲ့ နေရာတော်တော်များများကလည်း ယခုမြင်တွေ့နေရတဲ့ ပုံတွေထဲကအတိုင်း ရှင်းလင်းနေတာကို တွေ့ရပါတယ်။