မြန်မာနိုင်ငံမှာလက်ရှိဖြစ်ပေါ်နေတဲ့ အခြေအနေအရပ်ရပ်ကြောင့် တစ်နိုင်ငံလုံးအတိုင်းအတာအနေနဲ့ လူထုလှုပ်ရှားမှုတွေကိုပြုလုပ်နေကြတာဖြစ်ပါတယ်။ တစ်နိုင်ငံလုံးအတိုင်းအတာအနေနဲ့လုပ်ဆောင်နေကြတဲ့ ဒီလှုပ်ရှားမှုကြီးဟာဆိုရင် ရက်ပေါင်း (၄၀)ခန့်ကြာမြင့်နေပြီဖြစ်ပြီးတော့ တစ်ဖက်မှာလည်း ဖြိုခွင်းတားဆီးမှုတွေနဲ့ဆက်တိုက်ကြုံတွေ့နေကြရတာဖြစ်ပါတယ်.....။
အခုလိုဖြိုခွင်းမှုတွေနဲ့ကြုံတွေ့နေရပေမယ့်လည်း ပြည်သူတွေဟာ မိမိတို့နေထိုင်ရာရပ်ကွက်တိုင်းလိုလိုမှာ အတားအဆီးတွေအသီးသီးတည်ဆောက်ကြပြီး ပြင်ဆင်နေကြတာကိုလည်းတွေ့ရပါတယ်။ ဖြိုခွင်းမှုတွေကြောင့် ထိခိုက်ကျဆုံးသူတွေများပြားလာတာနဲ့အမျှ ပြည်သူတွေဘက်ကနေလည်း အခုလိုလမ်းတိုင်းလိုလိုမှာ အတားအဆီးတွေ ပြင်ဆင်လာကြတာဖြစ်ပါတယ်.....။
ယနေ့ မတ်လ(၁၆)ရက်နေ့မှာဆိုရင်လည်း ရန်ကုန်တိုင်း ကျောက်မြောင်းမြို့နယ်မှာရှိတဲ့ရပ်ကွက်နေပြည်သူတွေဟာ နေထိုင်ရာလမ်းတစ်လျှောက်မှာ အတားအဆီးတွေပြင်ဆင်ကာ ရပ်ကွက်လုံခြုံရေးအတွက်ပြုလုပ်ထားကြတာကို တွေ့မြင်ရပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်.....။
သတင်း အရင်းအမြစ်៖ Myanmarload TV