ယုံကြည်ချက်တွေအတွက်လှုပ်ရှားပါဝင်ရင်း ကြွေလွင့်သွားတဲ့ သူရဲကောင်းတွေကို အလှူငွေများလှူဒါန်းခဲ့တဲ့ ရွှေပိုးအိမ်

မြန်မာနိုင်ငံရဲ့ မျိုးဆက်သစ်လူငယ်တွေအများစုပါဝင်လှုပ်ရှားနေတဲ့ လူထုလှုပ်ရှားမှုကြီးဟာဆိုရင် အချိန်ကာလအားဖြင့် တစ်လကျော်ကြာခဲ့ပြီဖြစ်ပါတယ်။အစပိုင်းမှာတော့ ပြည်သူအားလုံးက ရင်ထဲကဆန္ဒတွေကို ညီညီညာညာဟစ်ကြွေရင်း ငြိမ်းချမ်းစွာရှိနေခဲ့ပေမယ့် ခုချိန်မှာတော့ အပစ်အခတ်တွေ ဖြိုခွင်းမှုတွေ ဖမ်းဆီးထိန်းသိမ်းခံရမှုတွေကို ပြည်သူတွေအနေနဲ့ ရင်ဆိုင်ကြုံတွေ့နေရတာလည်းဖြစ်ပါတယ်။

အခုဆိုလည်း မြန်မာနိုင်ငံရဲ့ နေရာဒေသအနှံအပြားမှာ ပစ်ခတ်မှုတွေရှိနေတာကြောင့် သေဆုံးသူတွေများပြားခဲ့ရာ ဒဏ်ရာရရှိသူတွေလည်း ရှိနေခဲ့ပါတယ်။သေဆုံးသူတွေရဲ့ သတင်းတွေတက်လာတိုင်း ပြည်သူအားလုံးက သွေးသားမတော်စပ်ပေမယ့်လည်း မိသားစုနဲ့ထပ်တူ မျက်ရည်ကျကာ ကြေကွဲဝမ်းနည်းခဲ့ကြတာအမှန်ပါပဲနော်။ကမ္ဘာတစ်ဝှမ်းကလည်း ဆိုးဝါးလွန်းတဲ့ ခုအခြေအနေတွေကိုစိတ်ဝင်တစားစောင့်ကြည့်နေခဲ့တာလည်းဖြစ်ပါတယ်။

ဒါ့အပြင်အနုပညာရှင်တွေကလည်း တိုက်ပွဲမှာ အသက်ဆုံးရှုံးသွားတဲ့ သူရဲကောင်းတွေ ဒဏ်ရာရရှိသူတွေရဲ့မိသားစုတွေဆီကိုသွားရောက်ကာ အလှူငွေတွေလှူဒါန်းကာ ကူညီဖေးမခဲ့ကြတာလည်းလေးစားစွာတွေ့မြင်ရပါတယ်။အခုလည်းရွှေပိုးတစ်ယောက် မိတ်ဆွေတွေနဲ့စုပေါင်းကာ ကြွေလွင့်သွားတဲ့ အာဇာနည် သူရဲကောင်းတွေကို အလှူငွေများလှူဒါန်းခဲ့ပြန်ပါတယ်။အလှူပုံလေးတွေနဲ့အတူ" ရွှေပိုးနှင့် မိတ်ဆွေများရဲ့ ကူငွေနှင့်ကိုအာကာဟိန်း ကူငွေများစုပေါင်းပြီး ကိုအာကာဟိန်းမှ အားလုံးကိုယ်စား သူရဲကောင်းမောင်လေးချစ်မင်းသူ အိမ်ကို သွားကူပေးခဲ့ပါတယ် မောင်လေး ကောင်းရာသုဂတိလားပါစေ"ဆိုတဲ့စာလေးကိုဝေမျှထားရာပြန်လည်ဖော်ပြပေးလိုက်ပါတယ်။