ကျောက်မြောင်းရပ်ကွက်အတွင်းမှာတော့ နေတိုင်းနီးပါး ဖြိုခွင်းခံနေရပေမယ့် သပိတ်စစ်ကြောင်းတွေကတော့ ထွက်ရှိနေဆဲဖြစ်ပါတယ်။
ကျောက်မြောင်းရပ်ကွင်းအတွင်းမှာ တာမွေမြို့နယ်သူ မြို့နယ်သားတွေပါဝင်တဲ့ တာမွေသပိတ်စစ်ကြောင်းဟာ ဒီကနေ့မနက်ပိုင်းလောက်က လှည့်လည်ဆန္ဒထုတ်ဖော်ခဲ့ပြီး ကျားကွက်သစ်လမ်းမပေါ်မှာ အထိုင်သပိတ်အဖြစ် ဆက်လက်ဆန္ဒထုတ်ဖော်ခဲ့ကြပါတယ်။
ကျောက်မြောင်း သြဘာလမ်းထိပ်မှာဆိုရင်လည်း ဆန္ဒထုတ်ဖော်နေတဲ့ ပြည်သူအများအပြားကိုရှိနေခဲ့တာကိုတွေ့ရပါတယ်။
ဒါပေမယ့် ဒီကနေ့နေ့လည်ပိုင်းလောက်မှာတော့ ကျောက်မြောင်းရပ်ကွက်အတွင်းက ဆန္ဒပြပြည်သူတွေဟာ လူစုခွဲဖြိုခွင်းခံခဲ့ရပါတယ်။
ဖြိုခွင်းမှုအတွင်းမှာတော့ အသံဗုံးတွေအပြင် သေနတ်တွေနဲ့ပါ ပစ်ဖောက်ဖြိုခွင်းခဲ့တာ ဖြစ်တယ်လို့သိရပါတယ်။
ဖြိုခွင်းခံရပြီးနောက်မှာလည်း ကျောက်မြောင်းရပ်ကွက်အနီးနားတစ်ဝိုက်မှာ ရဲကားနဲ့ စစ်ကားအစီးရေ ပိုတိုးလာခဲ့တာကို တွေ့ရပါတယ်။