ယမန်နေ့ညက စမ်းချောင်း ကျွန်းတောလမ်းဟာ အင်အားသုံးဖြိုခွဲမှုကို ခံခဲ့ရပေမယ့်လည်း ဒီကနေ့မနက်ပိုင်းမှာတော့ ကျွန်းတောလမ်း ပေါ်မှာချီတက်ဆန္ဒပြတဲ့ သပိတ်စစ်ကြောင်းတွေ ရှိနေဆဲပဲ ဖြစ်ပါတယ်။
ဆယ့်တစ်နာရီ ဝန်းကျင်အချိန်လောက်မှာတော့ လူငယ်တွေပါဝင်တဲ့ သပိတ်တစ်ခုဟာ အသံဗုံးတွေနဲ့ ခြောက်လှန့်ခံရပြီး ဖြိုခွဲခဲ့ရပါတယ်။
နေ့လည် ၁၂ နာရီဝန်းကျင်လောက်မှာတော့ ကျောင်းသားတွေ ၊ အလုပ်သမားတွေနဲ့ ကဗျာဆရာတွေပါဝင်တဲ့ သပိတ်စစ်ကြောင်းဟာ ဖြိုခွဲခံရတဲ့ ကျွန်းတောလမ်းတစ်လျှောက်ကို ချီတက် ဆန္ဒပြခဲ့ကြပါတယ်။
ဒီသပိတ်စစ်ကြောင်းဟာ ကျွေးကျော်သံတွေနဲ့အတူ ကျွန်းတောလမ်းတစ်လျှောက်မှာရှိတဲ့ လမ်းတွေထဲကို တစ်လမ်းဝင်တစ်လမ်းထွက် ချီတက်ဆန္ဒပြခဲ့တာကိုတွေ့ရပါတယ်။
သပိတ်စစ်ကြောင်း ချီတက်ရာ လမ်းတိုင်းမှာရှိတဲ့ ရပ်ကွက်နေပြည်သူတွေကိုလည်း အားပေးစကားတွေ ပြောခဲ့ကြတာကိုလည်း တွေ့ရပါတယ်။
အခြားသော နေရာအချို့မှာ ပတ်ခတ်ဖမ်းဆီးမှုတွေရှိခဲ့ပေမယ့် ဒီသပိတ်စစ်ကြောင်းကတော့ အောင်မြင်စွာချီတက် ဆန္ဒထုတ်ဖော်နိုင်ခဲ့တယ်လို့ သိရပါတယ်။