သင်္ဃန်းကျွန်းမြို့နယ်အတွင်းမှာတော့ ဒီကနေ့ မနက်ပိုင်းလောက်ထဲက လွတ်လပ်စွာ ဆန္ဒထုတ်ဖော်ဖို့အတွက် ပြင်ဆင်မှုတွေ ပြုလုပ်နေတာကို တွေ့ရပါတယ်။
သင်္ဃန်းကျွန်းမြို့နယ်အတွင်းမှာတော့ အထိုင်သပိတ်လုပ်ပြီး ဆန္ဒထုတ်ဖော်သူတွေ များစွာတွေ့ရသလို GSC သပိတ်စစ်ကြောင်းကလည်း လှည့်လည် ဆန္ဒထုတ်ဖော်ခဲ့တာကို တွေ့ရပါတယ်။
ဒီကနေ့လှည့်လည်တဲ့ GSC သပိတ်စစ်ကြောင်း အတွင်းမှာတော့ ဗမာနိုင်ငံလုံးနိုင်ရာ ကျောင်းသားသမ္ဂအဖွဲ့ဝင်များ ၊ လူ့ဘောင်သစ် ဒီမိုကရက်တစ်ပါတီဝင်များ၊ ဗမာနိုင်ငံလုံးဆိုင်ရာ အလုပ်သမားသမဂ္ဂအဖွဲ့ဝင်များ နဲ့ ရွှေဝါရောင်တော်လှန်ရေးက သံဃာတော်တွေပါဝင်တယ်လို့ သိရပါတယ်။
ဒီသပိတ်စစ်ကြောင်းဟာ သင်္ဃန်းကျွန်းမြို့နယ်အတွင်းက ရပ်ကွက်တွေအတွင်းမှာ လှည့်လည်ဆန္ဒထုတ်ဖော်ခဲ့ပြီး လှည့်လည်ရာလမ်းတစ်လျှောက်မှာလည်း လူထုဟောပြောပွဲတွေ ပြုလုပ်ခဲ့တာတွေ့ရပါတယ်။
အဲ့ဒီနောက်မှာတော့ လေးထောင့်ကန်လမ်းမပေါ်မှာ အထိုင်သပိတ်ပြုလုပ်နေသူတွေဆီကိုပါသွားရောက်ပြီး လူထုဟောပြောမှုတွေပြုလုပ်ခဲ့တာကို တွေ့ရပါတယ်။
ဟောပြောမှုအတွင်းမှာလည်း ရပ်ကွက်နေပြည်သူတွေနဲ့ အထိုင်သပိတ်ပြုလုပ်ပီး ဆန္ဒထုတ်ဖော်နေသူတွေဟာ အားပေးထောက်ခံခဲ့ကြတာကို တွေ့ရပါတယ်။