အဆိုတော်မေနဲ့အလှမယ် သူဇာဝင့်လွင်တို့ညီအစ်မ၂ယောက်ကတော့ အနုပညာလောကမှာ ကိုယ်စီအောင်မြင်မှုတွေကို ရယူထားနိုင်ကြတာဖြစ်ပြီး ပရိသတ်တွေရဲ့ ချစ်ခင်အားပေးမှုကိုလည်း ရယူထားနိုင်ကြတာဖြစ်ပါတယ်။ ပြည်သူတွေနဲ့အတူ အမှန်တရားဘက်ကနေ မားမားမတ်မတ်ရပ်တည်နေကြတဲ့ မေနဲ့ သူဇာဝင့်လွင်တို့ညီအစ်မ၂ယောက်ကတော့ နွေဦးတော်လှန်ရေးမှာ ကျဆုံးသွားသူတွေအတွက်လည်း စိတ်မကောင်းဖြစ်ဝမ်းနည်းနေခဲ့ပါတယ်။
မေကတော့ ယခုမှာ ညီမဖြစ်သူ သူဇာဝင့်လွင်နဲ့အတူ နွေဦးတော်လှန်ရေးမှာပါဝင်ရင်း ပြည်သူတွေလိုချင်တဲ့ပန်းတိုင်က နီးနီးလေးပဲလိုတော့တဲ့အကြောင်း ဖွင့်ဟလာခဲ့ပါတယ်။ မေကတော့ " မပင်ပန်းဘူးနော်.. ပန်းတိုင်ကနီးနေပြီ..နေ့စဉ် protester တွေကို ကာကွယ်ပေးနေတဲ့ frontline က ညီကိုမောင်နှမတွေကို ကျေးဇူးအရမ်းတင်ပါတယ်.. တက်ကြွစွာ ကာကွယ်ပေးနေကြတဲ့သူတွေကို မေတို့လည်း တတ်နိုင်သလောက် အားဖြည့်ပေးကြမယ်လေနော်.... fighting "ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့ပါတယ်။
သူဇာဝင့်လွင်ကတော့ " ပြည်သူတွေနဲ့တစ်သားတည်း အသက်ပေးသွားရတဲ့တိုင်းပြည်သူရဲကောင်းတွေအတွက် ဘယ်တော့မှသွေးမအေးသွားပဲအရင်ကထက်ပိုပြီးဆန္ဒထုတ်ဖော်ကြမယ် "ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့တာပဲဖြစ်ပါတယ်။ နွေဦးတော်လှန်ရေးမှာ ပြည်သူတွေနဲ့အတူ ပါဝင်နေတဲ့ မေနဲ့သူဇာဝင့်လွင်တို့ညီအစ်မ၂ယောက်ရဲ့ ပုံရိပ်လေးတွေကို ပြန်လည်ဖော်ပြပေးလိုက်ရပါတယ်။ ယနေ့မှာ လူထုလှုပ်ရှားမှုပြုလုပ်နေတဲ့ ပြည်သူတွေအားလုံး ဘေးဒုက္ခတွေများစွာမှ ကင်းဝေးကြပါစေကြောင်း ဆုတောင်းပေးလိုက်ရပါတယ်။
Source: May / Thuzar WintLwin ' s Facebook Page