တရားမျှတတဲ့ ဒီမီုကရေစီကိုပြန်လည်ရရှိအောင် နည်းလမ်းအမျိုးမျိုးနဲ့ ပါဝင်ဆောင်ရွက်နေကြတဲ့ ပြည်သူတွေထဲမှာ သရုပ်ဆောင်ဒေါင်းတစ်ယောက်လည်း အပါအဝင်ပဲဖြစ်ပါတယ်။ လူငယ်တွေရဲ့ အနာဂတ်အိမ်မက်တွေ မပျောက်အောင် တစ်ထောင့်တစ်နေရာကနေ တာဝန်သိပြည်သူတစ်ယောက်အနေနဲ့ ပူပေါင်းပါဝင်ပေးတဲ့ ဒေါင်းကိုတော့ ပြည်သူ့ပရိသတ်တွေက လေးစားဂုဏ်ပြုပေးခဲ့ကြပါတယ်။ အနုပညာရှင်ဆိုပေမဲ့ လတ်တလော လူထုလှုပ်ရှားမှုတွေမှာ နေ့စဥ်ဆိုသလို အားကြိုးမာန်တက်ဖြင့် ပါဝင်ခဲ့တာ တွေ့ရပါတယ်။

Photo Credit - Daung ဒေါင်း fb page
Photo Credit - Daung ဒေါင်း fb page

ဒါ့အပြင် ထိန်းသိမ်းခံထားရတဲ့ ခေါင်းဆောင်များနဲ့ တရားမျှတတဲ့ဒီမီုကရေစီကို အမြန်ဆုံးပြန်လည်ရရှိအောင် ဘက်ပေါင်းစုံက နိုင်ငံ့ဝန်ထမ်းများကို လူထုလှုပ်ရှားမှုတွေမှာ ပိုမိုပါဝင်ပေးကြဖို့ တောင်းဆိုထားခဲ့ပါတယ်။ ယခုမှာလည်း ဒေါင်းက ပြည်သူတွေ ရွေးကောက်တင်မြောက်ထားတဲ့ ဒေါ်အောင်ဆန်းစုကြည်နဲ့ ပတ်သက်ပြီး သူ့ရဲ့ ခံစားချက်တွေကို လူမှုကွန်ယက်မှာ ဖော်ပြလာခဲ့ပါတယ်။ " အာဏာရူးများရဲ့မတရားဖမ်းဆီးခြင်းကိုခံထားရတာ(၃၄)ရက်မြောက်နေ့......

Photo Credit - Daung ဒေါင်း fb page
Photo Credit - Daung ဒေါင်း fb page

“အမေ ကျွန်တော်တို့ပြည်သူတွေ အာဏာရူးတွေကို တော်လှန်နေခဲ့တာ တစ်လကျော်ခဲ့ပြီ အမှန်တရားကိုပြန်ယူဖို့အသက်သွေးတွေနဲ့ ရင်းခဲ့ကြတဲ့ ဒီမိုကရေစီသူရဲကောင်းတွေအတွက် ကျွန်တော်တို့ပြည်သူတွေနှလုံးသားဟာထပ်တူညီခဲ့ကြပါတယ်။ကျွန်တော်တို့တိုင်းရင်းသားပြည်သူအားလုံး ဘယ်တော့မှသွေးမကွဲတော့ဘူး အမေ။အမေ့နှလုံးသားဟာလဲ ကျွန်တော်တို့နဲ့ထပ်တူပဲရှိနေမှာပါ။ဒီမိုကရေစီ သူရဲကောင်းတစ်ဦးချင်းစီအတွက် အမေ့ရဲ့အားပေးစကားသံတွေ ရှိစေချင်ပြီအမေ။အမြန်ဆုံးပြန်လွတ်မြောက်ပါစေ ကျန်းမာပါစေအမေ.. ..." ဆိုပြီး ရေးသားထားတာတွေ့ရပါတယ်။ ဒေါင်းရဲ့ ရေးသားထားတာနဲ့ပတ်သက်ပြီး ပရိသတ်တွေရဲ့ ရင်တွင်းခံစားချက်တွေကိုလည်း ပြောပြပေးခဲ့ပါဦး။

Photo Credit - Daung ဒေါင်း fb page

သတင်းအရင်းမြစ်: Source - Daung ဒေါင်း fb page

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။