စိတ်တူကိုယ်တူနဲ့ အနုပညာအလုပ်တွေကိုလုပ်ကိုင်နေကြတဲ့ ဖြိုးလေးနဲ့ဝါဆိုမိုးဦးတို့စုံတွဲကတော့ ပြည်သူတွေဘက်ကနေ ပြတ်ပြတ်သားသားရပ်တည်လျက်ရှိနေတဲ့ အနုပညာရှင်တွေပဲဖြစ်ကြပါတယ်။ မြန်မာပြည်သူပြည်သားတွေကတော့ ဆုံးပါးသွားရှာကြပြီဖြစ်တဲ့ သူရဲကောင်းတွေအတွက် စိတ်မကောင်းဖြစ်ဝမ်းနည်းနေကြပြီး မနေ့ညကတော့ အသက်ပေးခဲ့ရသူတွေအတွက် ဆုတောင်းပွဲတွေကို နေရာဒေသကိုယ်စီမှာ ပြုလုပ်ပေးနေကြတာပဲဖြစ်ပါတယ်။ 

ဖြိုးလေးနဲ့ ဝါဆိုမိုးဦးတို့စုံတွဲကတော့ နွေဦးတော်လှန်ရေးမှာ အသက်ပေးလိုက်ရတဲ့ သူရဲကောင်းတွေအတွက် ဖယောင်းတိုင်မီးတွေထွန်းပြီးဆုတောင်းပေးရင်း ကမ္ဘာမကြေဘူးသီချင်းကို သီဆိုနေခဲ့ပါတယ်။ ဝါဆိုမိုးဦးကတော့ " ကျဆုံးသွားသော နွေဦးတော်လှန်ရေးသူရဲ့ကောင်းများ ကောင်းရာဘုံကိုရောက်ရှိပါစေ "ဆိုပြီး ဆုတောင်းနေတဲ့ ပုံရိပ်လေးနဲ့အတူ လူမှုကွန်ယက်စာမျက်နှာထက်မှာ ရေးသားထားခဲ့တာပဲဖြစ်ပါတယ်။ 

ဖြိုးလေးကတော့ " ကျဆုံး ခဲ့သော နွေဦးတော်လှန်ရေး သူရဲကောင်းများ အတွက် ဆုတောင်း "ဆိုပြီး လူမှုကွန်ယက်ထက်စာမျက်နှာထက်မှာ ရေးသားထားခဲ့တာပဲဖြစ်ပါတယ်။ နိုင်ငံအတွက် အသက်ပေးလိုက်ရတဲ့ ရဲရဲတောက်သူရဲကောင်းတွေ အေးငြိမ်းသော ဘုံဘဝကိုရောက်ရှိကြပါစေကြောင်းဆုတောင်းမေတ္တာပို့သပေးလိုက်ရပါတယ်။ သူရဲကောင်းတွေအတွက် ဆုတောင်းပေးရင်း ကမ္ဘာမကြေဘူးသီချင်းကို သီဆိုနေတဲ့ ဖြိုးလေးနဲ့ဝါဆိုမိုးဦးတို့စုံတွဲရဲ့ ဗီဒီယိုဖိုင်ကို ပြန်လည်ဖော်ပြပေးလိုက်ရပါတယ်။ 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။